May 03 – ANUGRAH ARU DAYA!

Isaiah 54:8 “Olop khong logote Ami dhakaI Ami laga chehra apuni pora olop homoi nimite, hoilebi hodai din laga morom logote Ami thakibo daya apuni te”, koi Pormeshwar pora, apuni laga Rakhsak”.

Pobitro kotha tu bhorta ase  kosom khan logote. Isor dhore ami khan laga hath khan ke aru morom kori kene koi ami khan ke: “Ami modot koribo apuni ke. Ami hobo dangor tagot aru kawach apuni laga. Ami kitya bi nacharibo apuni ke nahoilebi naphelabo apuni ke. Ami morom koribo apuni ke hodai din laga morom logote”.

“kintu pahar khan jai jabo aru hill khan hati jabo, hoilebi Ami laga mof=rom nahatibo apuni pora, nahoilebi Ami laga kosom shanty laga nahatibo,” koi Isor pora, jun logote daya ase apuni karone” (Isaiah  54:10). Itu podh te, Isor pora koi kitya bi nahata laga anugrah ke. Kunke Isor pora dibo inika anugrah?

Poila, Tai diye itu anugrah tai khan ke jun khan rakhe taikhan laga pura biswas Tai uporte aru piche thake Tai laga. Pobitro kotha  te koi, “hoilebi jun khan biswas kore Isor te, daya tai khan ke gherav koribo” (Psalm 32:10). David anubhav korishe daya ke Isor laga shuru pora tai laga jawan din khan laga. Itu karone tai nirbhar korishe Isor te aru rakhishe tai laga pura biswas Isor te. Tai laga biswas Isor te:jitya gurai thaka hingo ahishe tai laga khilaf te; jitya bhaluk khan hala kori thakishe; jitya Goliath tai ke jhujishe; aru jitya Saul pora tai ke bisari thakishe. itu karone Isor laga daya hodai din hi taike gherav kori thakishe.

David koi: “Apuni hi ami laga akha ase, O Isor Pormeshwar; Apuni hi ami laga biswa ase ami laga jawani pora” (Psalm 71:5). Apuni rakhibo lage apuni laga pura biswas Isor te. Jun khan biswas kore Isor te, kitya bi sorom nahobi. Judi apuni pura nirbhar kore Tai te, titya bhal khan aru daya piche hobo apuni laga pura din khan te apuni jibon laga.

Dusra Isor pora diye inika anugrah ke tai khan ke jun khan diye nijjor ke Tai laga icha te aru mane Tai ke mon di kene. Abraham ekta bhal uddharan ase inika diya laga aru kotha mana laga. Tai charishe tai laga desh ke aru tai laga manu khan ke, pura mani kene, aru charishe ekta jaga karone juntu Isor pora dikhaishe tai ke. Itu karone anugrah gherav korishe tai laga pura jibon ke. Tai laga naukar Eliezer  jun dihishe itu anugrah ke Isor laga Abraham laga jibon te aru anondit hoi kene koishe: “ashirbaad ase Isor Pormeshwar kea mi laga malik Abraham  laga, jun charanai Tai laga daya ke aru Tai laga hosa kea mi laga malik phine” (Genesis 24:27).

Tisra, isor pora dibo tai laga anugrah ke tai khan ke jun khan dharmik ase aru jun berai Isor logote. Din khan te Noah laga, pura pritihibi hi dubishe paap te. Hoilebi ki ase rahasya Noah laga jun paishe anugrah ke Isor laga nazar te? (Genesis 6:8). Itu kilekoile ekta hosa manu, thik tailaga gushti khan ke. Aru tai beraishe Isor logote (Genesis 6:9). Isor laga bacha khan, judi bi pura prithibi dubijai Paap aru moil ate, jitya apuni berai dharmikta te, Isor laga nazar te, titya anugrah hosa bi apuni ke gherav koribo.

Aji dhyan koribole laga pobitro kotha tu hoile Psalm 103:11 “kintu jinika swarg ase uncha uporte prithibi laga, inika dangor ase Tai laga daya tai khan phine jun khan bhoi kore Tai ke”.