May 02 – SHAKTI ARU MOROM!

2 Timothy 1:7 “kintu Isor pora diya nai ami khan ke atma bhoi laga, hoilebi shakti aru morom laga aru bhal mon laga”.

Pobitro Atma ase ekta dngor uphar juntu Isor pora dishe ami khan ke, thakibole amikhan te aru bodli koribole ami khan laga mon ke. Pobitro Atma juntu ami khan paishe ase shakti shali, moromial aru dikhai loi jai ami khan ke bhal monte.

Jitya Pobitro Atma mile apuni laga atma logote, titya apuni unnati kore khushi pora aru nokori kene bhoi. Apuni laga mon bi bodli hoi. Apuni bhoi nakore nahnoilebi chinta iku karone bi. Nirbhar kore pura Pobitro Atma te, jitya bi apuni paar hoi rasta ke digdar aru bhoi laga.

Jitya tate porikha ase apuni laga jibon te, bohibi maujudgi te Isor laga aru thakibi ekta norom alosona te Pobitro Atma logote. Aru apuni laga mon bi bhorta hobo swarg laga shanty logote , juntu paar kore sob buja ke. Apuni bi paribo hunibole norom kotha ke Atma laga; Tai hi achurit pora apuni ke loi jabo.

Chela Paul shikhai ami khan ke nahilibole mon te nahoilebi digdar te (2 Thessalonians 2:2). Isor laga bacha khan kitya bi nadibo lage tai khan nijor ke digdar hobole; kilekoile apuni tu ashishit hoishe jitya laga atma logote- jun hi bhangabo sob digdar aru bhoi ke.

Apuni jun bisare notun koribole monk e, hodai hi bachai kene rakhibo lage anondo ke apuni laga uddhar laga. Hobole dibi apuni laga monk e bhorta gaurav logote Isor laga. Hobole dibi Atma ke Isor laga ahibole mon laga niche pora.

Apuni bisaribole lage apuni laga tagot ke anondo kori kene Isor te. Hobole nadibi digdar ke nahoilebi hoi ke apuni ke bodli hobolr. Apuni khan anibo lage itu ke lagaam te theng ami khan Isor laga aru pabole lage ahram Tai laga maujudgi te.

Pobitro kotha te koi: dibi sob apuni laga chinta khan ke Isor te; kilekoile Tai apuni ke morom kore. Jitya apuni age jai inika bodlav anubhav loi kene aru notun kore monk e; apuni kitya bi bhagor nahobo. Bishi ase jun khan mehsus kore giri ja nishina aru bhagor hoikene, jitya tai khan laga prathana anurodh ahe bole deri hoi; jitya tai khan lok pai olop digdar khan ke tai khanlaga rasta te; nahoilebi jitya tai khan hune dukh laga kotha manu khan laga.

Jitya bi apuni laga mon bhagor hoi jai, sabi shakti ke khunte Jisu laga; aru mangibi shakti ke Tai laga tagot naam te. Bhorta hobi Pobitro Atma logote. Aru apuni jitibo itu bhagor ke. Apuni lagaa mon notun hobo aru apuni thakibo bodli hua laga shakti ke. Isor laga  bacha khan, Isor jun ahram diye bhagor khan ke dhuribo apuni ke Tai laga tagot chuni loa pora.

Aji dhyan koribole laga pobitro kotha tu hoile 1 peter 5:7 “dibi sob apuni laga chinta Tai te, kilekoile Tai apuni karone bhabna kore”.