May 02 – PANNGGAL AMADI NUNGSHIBA!

“Maramdi Iswarna eikhoida akibagi thawai pibide,adubu panggal,amadinungshiba amadi aphaba wakhal pibi.” (2 Timothy 1:7).

Eikhoigi nungda leiduna eikhoigi wakhal bu sak ong honghannabagi damakta Thawai asengbasi Iswardagi khwaidagi chaoraba khudol aduni. eikhoina phangliba Thawai asengbasi matik panggal leibani aduga nungshiheibani aduga eikhoibu aphaba wakhal ga loinana lamjingbiri

Thawai asengbana eikhoigi thawaiga samnaba matamda nahakna akiba karisu yaodana mangjin thana harao haraona chaokhatpa ngamlagani. Nahakki wakhal adu hongdokkani. Nahakna karisu akiba leitana nungaina leiba ngamgani. Nahakna akiba thengnaba matamda Thawai Asengbada mapum phana ngajou.

Nahakki punshida nonglei nungshit kumna awaba lakpa matamda,Prabhugi khuyada phamthaduna Thawai asengbaga yamna nouna thotna amata oibagi matam lenmminnou. Aduga nahakki thamoida khangba ngambagi wangmada Iswargi oiba ingthaba aduna thangani. Thawai asengbana lotna hairakpa makhoin adusu taba ngamgani. Aduga Mahakna nahakpu angakpa maongda lamjingbigani.

Eikhoigi wakhalda niktuna pakhatpa amadi akiba touroigadabani haina pakhonchatpa Paulna eikhoida yathang pibirammi. (2 Thessalonica 2:2) Iswargi macha eikhoina keidoungeidasu langtaknaba touroigadabani,maramdi eikhoida lan ngamba Thawai asengba adubu pibire. Mahakna akiba amadi langtaknaba khudingmaktu manghangani.

Wakhalbu nouhanaba thiriba nakhoina nakhoigi arankhubam adu matam chuppada ngaksenduna thamgadabani. Nahakki thamoi adu Prabhugi matik mangalna matam leiba khibikta thanba oisanu. Nahakki thamoinungdagi Iswargi thawai asengba aduna iphut kumna thorakpa oisanu.

Prabhuda haraobagi mapanna nahakna nahakki panggal adu kankhat hallu. Awaba akiba asina nahakki punshida karisu apanba nungaitaba thok hanganu. Nahakna madusing adu Prabhugi khuyada pusinduna Iswargi mapanna nahakna ingthaba nungaiba potthaba adu phangjahouro.

Sastrana hairi, “ nahakki langtaknaba khudingmaktu Prabhuda langsinjou,maramdi Mahakna nanggi damakta khanbi. Nahakna madugi ahongbaga loinana mangjin thana chatpa matamda akibana nahakki punshi adu keidoungeidasu lenghanba ngamlaroi. Mi mayamna makhoigi haijabagi paokhum phangdabada,apikpa awaba thengnaba matamda,natraga phattaba waheina makhoigi thamoi soklakpa matamda  pukning sonthaduna leibani.

Nahakki thawaida sonthaba chokthaba hek lakpa khudingda Jesugi eeda leiriba panggal adu yengu,aduga Mahakki maminggi matik adu koujou. Thawai asengbada thallu. Aduga nahakna madugi chokthaba sonthaba adu ngamlakkani.

Nahakki wakhal adu nouthokkani aduga nahakna  hongdokpagi panggal adu phanggani. Iswargi machasing, sontharaba singbu pukning themjinbiba nahakpusu mahakki matik leiba thao noibiba aduda chetna paibigani.

Dhyan tougadaba: “nahakki langtaknaba khuding Mangonda langsinjjou.” (1 Peter 5:7)