May 01 – NIRMAAN KORTA!

(Genesis1:1) “surute Pormeshwor nirmaan korishe swarg khan aru prithibi ke

Isor ase nirmaan korta pura brahmaan laga aru Tai ase bodli nohua. Aji bi Tai laga nirmaan kora Shakti Kom huanai; aru Tai pare thik pora nirmaan koribole sob apuni karone.

Isor pora Khali pothaishe Tai laga hobdo ke aru nirmaan korishe brahmaan ke; Suraj aru chandh ke. “ Titya Isor koishe, “hobole dibi puhor”; arubtate thakishe puhor” (Genesis 1:3).  “Titya Isor koishe, “ hobole dibi tate mati majete Pani khan laga, aru hobole dibi bhag Pani khan ke Pani khan pora” (Genesis 1:6).

“Titya Isor koishe, “hobole dibi prithibi ke anibole ghas, paudha juntu lage guti, aru phal gash juntu lage phal hisab te tai jat laga, Jun laga guti ase nijor te,bprithibi te”; aru inika hoishe”. (Genesis 1:11).

Hoilebu jitya Isor bonaishe Manu ke, Tai koriahe kiba Bishi alag. Pobitro kotha te koi, “isor Pormeshwor pora bonaishe manu ke mati pora niche laga, aru saans dishe tai laga naak te saans jibon laga; aru manu bone ekta jiya laga jontu.” (Genesis 2:7).

Isor Bishi bhabna ase apuni karone, kilekoile Tai nirmaan korishe apuni ke Tai laga chabi te. Ami khan nakoribo lage bhabna kitya bi ki tai laga nirmaan kora Shakti khan hekh hoishe nirmaan kora pichete.

Isor Pormeshwor pothaishe mannah ke+ khana duth khan laga, Israelites khan ke balu matibte. Isor nirmaan korishe itu ke aru pothaishe Tai khan ke manu karone. Jitya bacha khan icha korishe mangso karone, Isor nirmaan korishe chiriya khan tai khan laga rasta te. Kinika Tai khilaishe panch hazar manu khan ke Khali panchta ruti aru duita maas pora? Itu kilekoile tai laga nirmaan kora Shakti pora.

Isor thakishe morom bhanga mon karone Nabi Jonah laga. “ aru Isor Pormeshwor tayar korishe ekta paudha ke aru bonaishe itu ke ahibole jonah uporte, ki itu pora chaya dibole matha te bachabole tai ke tai laga dukh pora”. (Jonah 4:6).

Kinika ekta gash ulabo achanak Jonah laga Isor te? Kinika itu baribo iman joldh, bonibole chaya Jonah karone? Itu kilekoile nirmaan kora Shakti pora Isor laga.

Kitya Israelites khan berai thakishe balu matibte, kinika isorAnishe khuta khan ke badol laga aru khuta khan ke jui laga? Itu khan sob Abhishek Khali kilekoile nirmaan kora Shakti pora Isor Pormeshwor laga.

Bacha khan Isor laga, ajibi Tai laga nirmaan kora Shakti khan kom huanai.. aru tai hosa bi nirmaan  koribo achurit khan ke apuni laga jibon te.

Aji dhyan koribole laga Pobitro kotha tu hoile Isaiah 54:5 “kinru apuni laga nirmaan korta ase apuni laga mota, Isor duth khan laga ase Tai laga naam; aru apuni laga tran korta ase Pobitro Jon Israel laga; Tai ke mate Isor pura prithibi laga”.