Mar 29 – BABA, KHEMAI KORIBI TAI KHAN KE!

Luke 23:34 “titya Jisu koishe, “Baba, khemai koribi tai khan ke, kilekoile tai khan najane ki tai khan kore”.

Sabi Krus te Calvary laga akha te. Judibi jitya tai laga gau ke chipai dishe aru khun ulai thakishe tai laga jokhom pora aru chabuk laga rusi pora, sabi kinika isor prathana korishe ami khan karone Krsute. Tai kandi kene prathana korishe ami khan karone Baba Pormeshwar logote. Tai laga ekla uddessh thakishe Tai laga bacha khan krone hobole mani kene khemai te tai khan laga paap khan laga.

Hobdo khan jibon diya laga jharna pora, mon pora ami khan Isor laga, judibi Tai dhali kene ulai thakishe tai laga nijor jibon ke Kruste, dikhai Tai laga bhar ke ami khan sob jon karone; aru Tai laga pyas ki sob amikhan khemai pabole tai laga khun pora aru loi jabole poritran te.

Ami khan laga Isor ase khemai kora laga Isor ase; aru Tai khemai kore nirnatar. Itu karone kile Tai anurodh korishe Baba Pormeshwar logote aru koishe, “Baba, khemai koribi Tai khan ke, kilkeoile tai khan najane ki tai khan kore”.

Judibi tai khan gojal marishe Tai laga bhal hath khan ke kruste lamba aru biya gojal pora; judibi tai khan chipaishe tai laga ungli khan ke, Tai hoilebi prathana kori thakishe tai khan karone jun gojal marishe Tai ke kruste. Tai kandishe aru koishe  daya hobole tai khan uporte. Itihaas kaarta khan porfa darj korishe ki Tai ke paishe prfathana kori kene choi ghonta laga lamba homoi te jitya Tai tangi kene thakisxhe Krus te. Itu hosa ase, ki Tai paishe khemai ke nahoi khali atith laga; hoilebu itya aru aha din laga paap khan laga bi pura manu kati laga.

Tai parthana korishe pare Baba Pormeshwar ke khemai karone:

– Khemai koribole jun khan Pilate nishina, jun khan ke hilai dishe bishi prabhav khan pora aru napari kene faisla lobule;

– Khemai koribole jun khan Herod nishina, jun khan kuchis kore raj koribole lomri nihsina chalak niti khan pora;

– Khemai koribole jun khan Annas aru Caiphas nishina, jun raj korishe nisthur pora aru saja dishe; aru

– Khemai koribole junkhan Pharisees aru sadducees nishina, jun khan dikhai nijor ke hobole dharmik, hoilebi ase khai diya laga bheriya nishina tai khan laga mon te.

Tate ase gehra pora  bohi kene paap khan mon te, dimag te aru kaam khan ke manu laga! Itu pora ane dimag te purana Tamil gana laga hobdo khan: “paap khan ami khan hath laga ase iman bishia aru iman biya. Isor pora ki nadhulai ami laga mon bikhai diya paap khan ke kimti khoon pora apuni laga hath khan pora?”

Ki Isor pora koishe, Tai korishe itu ke Kruste. Tai dikhaishe mahaanta kekhemai laga. Isor Jisu koishe, “hoilebi Ami koi apuni ke mana nakoribole biya manu ke.hoilebi kun apuni ke mare dahina gal te, ghurai dibi dusra phine bi tai ke…. Morom koribi apuni laga dushman ke, ashirbaad dibi tai khan ke jun shrap diye apuni ke, koribi bal tai khan ke jun ghrina kore apuni ke, prathnaa koribi tai khan karone jun biya pora cholai apuni ke aru nindai apuni e(Mtthew 5:39,44).

Bacha khan isor laga, ki apuni bi khemai koribo ekjon dusra jon ke, jinika isor khemai korishe?

Aji dhyan korible laga pobitro kotha tu hoile 1 Peter 2:21 “kintu itu karone apuni ke matishe, kilekoile Krista bi bhugishe ami khan karone, chari kene ami khan ke ekta uddharan, ki apuni piche koribole tai laga kadam khan ke”.