Mar 28 – BADHA ARU KADAM DIYA SHILL!

Micah 2:13 “tai jun bhangai kene ahe ahibo agete tai khan pora; tai khan bhangai ulabo, paar koribo dorwaja ke aru jabo itu pora paar”.

Judi apuni nijor laga haar ke jit te bodli koribo mon, titni hoile apuni hodai hi bhabna koribo lage jita laga. Apuni khan dhyan dibole lage ki kinika jitibo. Apuni khan paar koribo pare bishi badha khan apuni laga jit laga agete. Aru apuni bonabo lage sob badha ke kadam diya laga shill nishina; sob taan paristhiti te ekta anukul nishina.

Jitya ekta samajik bhakht kotha kori thakishe meeting te, kunuba pathor marishe taike. Tai itu laga shikayat koranai ekta darpok nishina. Hoilebi tai savdhan pora dhurishe utu pathor ke aru koishe: “manusha itu ekta pathor nahoi juntu apuni amike mari ase, hoilebi ekjon ekjon jun khan harishe. Hoilebi itu ashirbaad laga pathor ase. Judi apuni itu ke cholabole lagishe ghor bona homoi te, apuni laga ghor tu ekta mahal hobo asile. Aru itya ami itu pathor ke nilami koribo. Jun sobse uncha daam lagabo tai hi pabo”. Aru jitya tai ituke nilami korishe, itu ke bikaishe bishi poisa pora. Ekjon kun budhimaan ase, bangabo sob badha khan ke aru ghurabo tai khan ke kadam diya shill nishina.

Ki ase badha khan apuni laga jibon te? Ki ase shakti khan andhera laga juntu lorai kore apuni laga khilaf te aru rokhai apuni ke dava koribo le apuni laga jit ke? Bishi baar, itu ase dosh paap kora laga; juntu rokhai manu khan ke dava koribole tai khan laga jit ke aru rakhibole tai khan ke bandhi kene  paap laga naukar kori.

Hoilebi jitya apuni ahe calvary laga kruste, aru sai Jisu ke jun bukhishe apuni laga sob paap khan ke, sob itu khan badha khan hati jabo aru bhangi jabo. “Isor Jisu pora bonaishe ami khan ke jinda Tai logote, kkhemai kori kene ami khan laga sob galti khan ke, mushi di kene likha khan  juntu ami khan laga khilaf te khara kokre juntu ulta ase ami khan karone. Aru Tai loishe itu khan sob aru lagai dishe kruste”. (Colossians 2:13-14).

Bhal swasth, tagot aru bhal gau bishi zaroori ase ekta manu ke jiti bole jibon te. Hoilebi kunuba manu khan tai khan laga bimar aru napungcha khan hi badha hobo pare tai khan laga jibon te. Holebi Isor pora adesh dishe bhal swast apuni karone. Baba Pormeshwar koi, “judi apuni mon di kene mane awaz ke Isor pormeshwar laga aru kore ki sahi ase Tai laga nazar te, dibi kaam Tai laga adehs te aru rakhibi sob tai laga niom khan, Ami narakhibo kun ke bimar khan te juntu ami anishe Egyptians khan te. Kilekoile Ami Isor ase jun pora changai kore apuni ke (exodus 15:26). Isor Jisu bi loishe amikhan laga moila khan ke aru loishe ami khan laga bimar khan ke” (Matthew 8:17).

Ki shrap khan ase apuni laga jibon te, juntu badha kori ase apuni ke hilibole agete aru dava koribole jit ke? Ki bishi gushti laga shrap khan ase apuni laga porivaar te? Ji hoilebi, Isor utsuk ase bhangabole sob badha khan ke aru dibole apuni ke ashirbaad. Isor laga bacah khan, shakti logote Pobitro atma laga bhangabi sob badha khan ke aru thakibi jit laga jibon ke.

Ajia dhyan dibole laga pobitro  kotha tu hoile psalm 32:8 “ami por dikhabo apuni ke aru sikhabo apuni ke kuntu rasta jabole lage; ami pora dikhai kene jabo apuni ke Ami laga suku pora”.