Mar 25 – APUNI LAGA NAAM ASE TEL DHALA AGETE!

Song of Solomon 1:3 “kilekoile gunh pora apuni laga bhla tel khan pora, Apuni laga naam ase dhala agete, itu kaorne kumara khan morom kore apuni ke”.

Dhyan koribi naam te Isor Jisu Krista laga. Itu ase naam ki Baba Isor pora dishe Tai laga matro ekta putro ke. Achurit ase naam Jisu laga. Tai ase salhakar. Tai ase Mahaan Pormeshwar, Hodai din laga Baba, Rajkumar Shanti laga(Isaiah 9:6).

Raja David anondo te koishe: “O Isor, ami khan laga isor, kiman uttam ase Apuni laga naam sob prithibi te, junk e ase Apuni laga mahima swarg laga uporte!”(Psalm 8:1).

Jitya ami khan mane Isor Jisu ke ami khan laga niji RRakshak koi kene, Tai rakhe Tai laga naam kea mi khan laga matha te, aru bandhe ami khan ke Tai nijor nishina. Sabi nijor laga adhikaar te, jitya Tai koi, “ami laga manu khan jun ke mate Ami laga naam” (2 Chronicles 7:14).

Tai pratigya dishe aru koishe, “aru ji bi apuni hudile Ami laga naam, ki Ami koribo, ki Ami laga Baba ke hobo mahima Putro te. Judi apuni mange iku bi Ami laga naam te, Ami koribo itu ke” (John 14:13-14)

Tai morom pora saisxhe Tai laga chela khan ke aru koishe, “itya tok apuni manganai iku bi Ami laga naam te. Mangibi, aru apuni pabo, ki apuni laga anondo hobo bhorta” (John 16:24).

Ekta jawan maiki hobo pare biya stiti te; na thakishe pora likha. Hoilebi judi ekta dhon manu thakishe sadi koribole tai ke, tini hoile tai laga naam di ken ease tai ke. Itu pora diye tai ke notun aru uthai diya laga stithi ke.

Itu nishina hi, naam Isor Jisu Krista pora uthabo apuni ke notun stithi te; notun adhikar te aru sonman te. Kilekoile Tai ase Raja khan laga Raja; Isor khan laga Isor; aru Tai ke ase pura adhikar pura brahman te.

Apuni khan phutani koribo lage naam te Isor Jisu laga. Apuni laga prathana te, rakhibi Tai laga naam agete aru bonabi sob apuni laga anurodh khan ke Tai laga naam te. Isor pora hosa bi pratigya dishe, “hosa te, Ami koi apuni ke, ji apuni mangile Baba ke Ami laga naam te Tai pora dibo apuni ke” (John 16:23).

“naam Isor laga ase ekta tagot kile; dharmik khan polai itu te aru ase bachi kene” (Proverbs 18:10). Isor pora dishe tai laga kimti naam apuni ke. Tai ahishe niche prithibi te dhalibole Tai laga naam agete Tai laga bacha khan laga  jinika tel.

Tai laga naam ase shaktishali aru mahaan. Tate ase chutkara; poritran aru shanti tai laga naam te. Bacha khan Isor laga, magingibi aru pabi utu naam te, kilekoile apuni ke matishe utu naam pora.

Aji dhyan koribole laga pobitro kotha tu hoile Philippians 2:10-11 “naam te Jisu laga sob sob ghutna teki bo, tai khan laga jun khan ase swarg te, aru sob prithibi te, aru tai khan junkhan ase nichete prithibi laga, aru ki sob jibh pora swikar koribo ki Jisu Krista ase Isor , mahima Pormeshwar Baba laga”.