Mar 23 – THAMAR DALL GHABRAYENIJU REDA

Yohan 14 :1-2 Thamar dall ghabrayeniju reda, Deven viswas karo, Manni viswas karo, Mar Baper gharema ghane vasser jaag cha, cheni katho thamena kedetho, thamar vas yek thayar karena jarochu.

Yee vachan Bibilema Apanen massaj himmathen devacha. Yee  vachanen dhyan karan jada bhakthidharevo himmathena samadhanen palinecha.

Dharthipar Yesu Prabhu kidojako sevar Akharir Dadema vujji vu siluvama jaan dero vagath dai vegicha kan malam karmelotho. Vu Prabhu kukan maruchu ko kajako khabaren mundagaj vor chelavun kojana vunder dallema hayi karelage.

Vo chelavo Prabhur premen savaad kidejakon, vor bodhan samlan, vu kidojako acham kalar kamena kidojen ankithi 3 1/2 varas dai  rethanu dittejako, abba vunden chodan jarochu ker sath vunder dall ghabragiju vegi.

Vunden abba Prabhu chenitho hamen bharoso cheni kethanu vunden kalavaramena padelage. Abba kai karnu Prabhu cheniju ham kai karer sadhyaj cheni kan velama pade.

Asso vagathema ajer daden mukhyavada vachan yek yadi samjavaju samjavnir vathen koju Apanen sada kerocha.

Yeshaya 66:3 vachanema yek samjavaju Ma thamen samjavuchu, Yerushalemema sada tham samjavnin palocho kan kerocha.

Yesu Prabhu yee jammipar vethojana sada Yohan 14:16 Ma Bapena puchliyu, thamar dai hamesha rena dusaro yek samjayer sathero Athmana thamena dacha kan vor chelavun himmath dino.

Agadiyar grandh 5:29 vachanema Lemeker jeevanema Nohan pedakidojana abba ma padojako velabhavetina sey kanaken samadhan malicha kan vor betan Noha kan pado. Sassi thu yee lokema katha samadhan maliye kanan samjavnin dhundlen dhasasthoi thona Prabhu Yesun chodan Ajji kuni samjayevalo maleni.

Samudrema sada chelavur vacha vethojako Yesu Prabhu aandi vungal vutijana sada Shanth vejo ker sath vu Shanth ven haramethi regijana Yesu thoni Thamar dall ghabrayeniju reda kan kerocha.

Ajji jada dhyan Karen pado Yeshaya 40:1