Mar 22 – CHINTA ARU ROG!

Matthew 8:17 “Tai nijor hi loishe ami khan laga galti khan ke aru bhugishe amikhan laga bimar khan ke”.

Satan ke chari kene, rog ase ekt abiya Shakti ji pora churabo paribo apuni laga shanti ke aru anibo chinta aru samasya apuni laga jibon te. Rog ase biya aru itu pora ahe bhugibole napara bikh aru bhuga gau te. Itu pora ane bhoi mrityua laga apuni mon te.

Ekta maiki kun ke ase samasya khun laga baroh saal tok, pabole paranai nijor ke changai sob bikai kene bi tai laga dhon khan chikitsak logote. Hoilebi ek din, tai ahishe isor te biswaas pora aru chui kinar ke Tai kapra laga. Aru tai pai chamatkari changi utu homoi te.

Isor Jisu saishe tai ke aru koishe, “Suwali, hobi bhal mon laga; apui laga Biswas pora bonaishe apuni ke change. Jabi shanti te.” (Luke 8:48). Isor dishe bhal gau ; aru shanti apuni laga mon te. Jitya tate ase thik shanti atma te, mon te aru gau te tini hoile sob chinta khan aru bhoi polai jabo apuni porfa.

Raja Hezekiah bishi bimar thakishe mrityu hobo nishina. Tiya tai prathana korishe Isor ke aru koishe, “yaad koribi itya, O Isor, ami prathana kore kinika ami bearishe Apuni  agete hosa te aru imandaar mon pora aru korishe ki ase bhal Apuni lagan azar te”. Aru Hezekiah kandishe tita pora” (Isaiah 38:2-3). Isor hunishe tai laga prathana ke; dikhishe tai laga suku pani ke aru  anugrha te milaishe pondroh saal tai laga jibon te. Sob chinta khan aru bhoi khan Hezekiah laga bodlishe aru tate thakishe shanti.

Notun niom laga homoi te, kilekoile Isor Jisu loishe amikhan laga rog khan ke krus te, ami khan chinta koribo nlagae bimar khan karone. Pobitro kotha te koi, “Tai nijor loishe ami khan laga golti khan ke aru bhugishe ami khan laga bimar khan ke” (Matthew 8:17). “bharpai mami khan laga shanti nimite thakishe Tai uporte, aru Tai laga dagi khan pora mai khan changai paishe” (Isaiah 53:5).

Jitya bi apuni chinta aru bhoi hoile apuni laga bimar khan pora, apuni taan pora dhuribo lage changai laga pratigya khan ke isor laga. Ami khan laga Isor jun pratigya dishe apuni laga bhal karone koribo changai apuni ke aru dibo apuni ke shanti. Itu iki homoi te apuni bi sabo lage nijor ke bisaribo lage apuni laga paap khan ke aru karan khan ke apuni bimar laga aru golti khan laga; apuni swikaar korbio lage apuni laga paap khan ke Isor ke.

Pobitro koth ate koi, “Isor pora khemai korishe sob apuni laga golti khan ke; changai kore apunilaga  sob rog khanke, punar daan diye apuni laga jibon ke hekh hobole pora; mukut lagai apuni ke morom por aru norom anugrah pora; santusht kore apuni laga much ke bhal saman khan logote ki apuni laga jawan hobo notun jinika hoi  siloni laga” (Psalm 103:3-5).

Bacha khan isor laga, itu ase icha aru khusi Isor laga ki apuni bi thakibo bhal swasth; tagot aru bhal gau.

Aji dhyan koribole laga pobitro kotha tu hoile Malachai 4:2 “hoilebi apuni ke jun bhoi kore Ami laga naam ke suraj dharmikta laga uthibo changai logote Tai laga pankhan te; aru apuni jabo bahar swasth hoi kene jinika pet bor memna khan”.