Mar 21 – JIT KOTHA MANA PORA!

James 4:7 “itu karone samarpit hobi Pormeshwar ke; pratirodh koribi satan ke aru tai polai jabo apuni pora”.

Isor Jisu aru PObitro Atma iman nirdharit ase ki apuni hodai din hi jitibo lage, aru ki apuni pabo lage sob hodai din laga ashirbaad khan ke juntu Pormshwar pora rakhishe apuni karone. Apuni hosa bi bacha khan ase jita Raja Jisu laga!

Rahasya jit laga thake hodai hi kotha mana te Isor laga. Jitya apuni mane Isor ke, satan laga atma khan manibo apuni ke aru polabo apuni pora apuni laga adesh te. Apuni janibo ki poila haar manu jati laga thakishe kotha namana pora hi.

Kilekoile tai laga kotha namana  pora hi Pormeshwar laga adesh te nakhabole itu mana kora laga phal, itu pora asar korishe manu jatike duita khas waja te. Poila, itu swadh tu paap laga mili jaishe manu laga mon logote. Aru dusra, bijon paap laga juntu mana kora laga phal thakishe, utu lagai dishe manu laga atma te.

Itu hi ase karon kile paap aru kotha namana lagatar jai ase pushti pora dusra pushti tok itu prithibi te. Isor Jisu phelaishe Tai laga pobitro khun ke krus te Calvary laga, bhangabole mili kene thaka papa logote khun manu jati lag. Aru itu guti ke hatabole paap laga juntu ke lagai dishe manu laga atma te, Tai nomro korishe Nijor ke aru bonishe kotha mana laga namora tok, Tai rakhishe ekta uddharan amikhan laga kotha mana laga. Itu ke bhabna kori kene, Chela Paul likkhe, “aru pai kene roop te manu laga, Tai nomro korishe Nnijor ke aru bonishe kotha mana utu homoi mora tok, mora krus te” (Philippians 2:8).

Sabi jibon ke Jisu Krista laga, juntu ekta uddharan ase ami khan sob karone. Sob te, Tai kotha mana thakishe Baba ke. Shuru pora Tai laga bacha homoi pora, Tai thakishe prithibi laga ama Mary logote, aru Tai laga baba Joseph (Luke 2:51).

Tai samarpit korishe Nijor ke pura kotha mani kene Tai laga Baba swarg te. Itu karone itu mumkin thakishe Tai karone jitibole satan ke. Jitya Tai adesh dishe, “dur hoi jabi satan!”, itu polai jaishe Tai laga maujudgi pora.a ru Tai korishe tagot laga mantarlay changai laga ulai kene moila atma khan ke.

Isor laga bacha khan, judi auni ke lage adhikaar ulai kene khedabole satan ke aru dusht atma khan ke, itu zaroori ase ki apuni pura mani bo lage kotha Isor laga. Jitya apuni jiyai ekta kotha mana laga jibon Isor ke, Tai laga morom aru daya ahibo apuni te. Nabi Samuel hude, “ki Isor ase ekta dangor khushi jolai diya laga daan aru uphar khan te, jinika kotha mana te Pormeshwar laga?” (1 Samuel 15:22).

Aji dhyan koribole laga pobitro kotha tu hoile (1 samuel 15:22) “thakibi, kotha mana laga hi bhal ase daan khan pora, aru dhyan diya laga bhal ase mangso bhera khan pora”.