Mar 21 – HAIBA INBAGI MAPANNA LAN NGAMBA!

“  Maram aduna Isorgi makhā pollu. Diyābolbu thing’u, aduga na’ngondagi mahākna chenkhigani.” (James 4:7).

Prabhu Jesu ga Thawai asengba asina yamna pamba adudi nahakna matamda leibak khibikta lan ngamba haibasini,aduga Iswarna nahakki damkta thambikhraba bor mayam adu phangba asini. Nahak lan ngamkhraba Jesugi machani.

Maipakpagi athuppasi di haiba inbagi makha yamna polli. Nahakna Prabhugi haiba illabadi satangi thawaisingna nahakki haiba ingani, aduga nahakki yathang induna chengani. Mioibana ahanbada maithiramba adugi maramdi haiba indabagini haibasi nahakna khanglabra?

Mioibana chaganu haina Iswarna piramba yathang indabadagi mioibagi jati asi maru oiba lambi anida sokkhre. Ahanbada,pap adu mioibagi thamoi nungda leire. Aduga anisubada, chaheidaba uhei adugi maru adugi pap adu mioibagi thawaida hourakle.

Madugi maramna pap asina mioibagi jatigi miron miron asida thangtharaga leirabani. Mioibagi eega yansinnakhraba madugi pap aduna mioiba asi pullabani aduga madu thugainaba Jesuna mahakki mamal yamlaba ee adu Calvary Crossta tabikhibani. Mioibagi thawaida houramkhraba pap ki maru adu mutthatnabagi damakta Mahakna siba pho haiba induna nollukchakhi,aduga mahakna nollukpagi khudam adu eikhoida utpire. Masigi maramda pakhonchatpa Paulna asumna hairammi, “ aduga sak’ongda mioibagumna oiraktuna, mahākna siba phāoba, hāibadi krosta siba phāoba hāiba induna masā mathanta nollukchakhi.” (Philippians 2:8).

Eikhoigi damakta tamjaningai oiraba Jesu Chirstagi  punshi mahing adu yengbiyu. Mahakna hiram khudingmakta Mapagi haiba inkhirammi. Mahakna angang oiringeidasu mahakki taibanggi oiba mama Mary amadi Mapa Joseph ki makha ponna hinglammi. (Luke 2:51).

Mahakna swargagi Mapagi makhadasu mapum phana pisinjakhi. Maram aduna Mahakna satan adubu maithiba piba ngamkhibani. Mahakna “Satan nahak chatthok u” haina yathang piba matamda satanna mahakki maphamdagi chenkhirammi. Mahakna sengdaba thawaising adubu tanthoktuna anaba phahanbagi ministry tourammi.

Iswargi machasing, nahakna satan amadi phattaba thawaisingbu tanthokpagi matik pamlabadi nahakna Prabhugi haiba ingadabani. Nahakna mapum phana Prabhugi haiba ingdabani. Nahakna Prabhugi haiba inbagi punshi hinglabadi Prabhugi nungahiba amadi thoujan adu nahakki thakta lakkani. Maichou Samuelna asumna hanglami, “ Maduda Samuyelna hāikhi, “Jehobāgi wā inbada Jehobāna yāmna penbibagumna, mei thādokpagi katnapotsing amasung irātpasingda Jehobāna penbibrā? Yeng’u, hāiba inbana irātpadagi amasung yāthang ngākpana yāo lābagi mahāodagisu henna phei. ” (1 Samuel 15:22).

Dhyan tougadaba “ Maduda Samuyelna hāikhi, “Jehobāgi wā inbada Jehobāna yāmna penbibagumna, mei thādokpagi katnapotsing amasung irātpasingda Jehobāna penbibrā? Yeng’u, hāiba inbana irātpadagi amasung yāthang ngākpana yāo lābagi mahāodagisu henna phei.”” (1 Samuel 15:22).