Mar 19 – BHORTA HOBI GYAN PORA!

Ecclesiastes 12:12 “Bishi porha tu ase bhagoria”.

Itu Bishi dorkari ase rhakibole Gyan aru buddhi. Hoilebi Tate ase Bishi Jun khan laga Gyan ase napungcha laga ar bhram laga kile koile kunuba vegyanik theories khan juntu khan ase khilaf te sikha laga Bible laga. Aru tai khan koi ki pura brahmaan ke nirmaan kora nai pormeshwor pora, hoilebi itu Abhishek nijor pora hi.

Kilekoile tai khan seva nokore pormeshwor ke, tai khan laga mom khan hoishe andhera. Tai khan ke dhuri kene ase biya bhabna khan pora, aru digdar di kene ase mom te tai khan laga. Itu khan hi ase Jun khan nirantar hudi thake sawal khan ke, iku jawab bi napai kene. Aru tai khan kuchis kore bujibole bhabna khan ke nirmaan karta pormeshwor laga, tai khan laga olop buja Manu buddhi pora.

Pobitro kotha te koi, “kintu jinika swarg khan ase uncha prithibi pora, inika ase ami laga rasta khan uncha apuni laga rasta pora, aru ami laga bhabna khan apuni laga bhabna pora,” (Isaiah 55:9)..

Ami khannpai buddhi aru Gyan ke kitab pora, poristhiti pora, sathi khan pora, aru ami khan laga adat khan pora. Bishi baar ami khan laga mom khan pai digdar itu sob Gyan logote.

Uddharan hisab te, ekta vyapari jitya Jani bole pare ki Tate ase achanak gira daam khan te saman khannlaga, vtai digdar pai tai laga mom te luksan hua laga. Jiman tai bhabna kore itu laga kotha ke iman hi Tai gire bhoi aru dukh te. Hoilebi Jun biswas kore Isor te, rakhibo lage jaga ke ami khan laga biswas ke Isor te, ulai dibo Lage Ami khan laga bhar khan ke aru bhoi khan ke Tai laga theng te, aru shuru kore prashansha koribole Tai ke. Aru apuni laga luksan khan ghurabo labh te.

Pobitro kotha te koi, “nohobi utsuk iku karone, hoilebi sob te prathana aru anurodh pora, dhanyavad di kene hobole dibi apuni laga anurodh ke janibole pormeshwor ke, aru Shanti pormeshwor laga juntu par kore sob buja ke Shanti koribo apuni laga mon khan ke aru dimag ke Krista Jisu dwara. “(Philippians 4:6-7)

Raja Israel laga dukha kirishe kile koile asar pora akaal laga. Hoilebi Nabi Elisha pora ahram dishe Tai ke byko logote Isor laga. Aru Isor hobole dishe sena ke Syrians laga hunibole awaz ke Rath gari laga aru awaz ghora gari laga, awaz dangor sena khan laga (2 kings 7:6) itu karone tai khan uthishe aru polaishe, aru rakhishe tripol ke bahar- tai khan laga tripol, ghora, gadha, aru tai khan polaishe tai khan laga jibon karone. Kilekoile itu chamatkar pora, pura Israel bachishe tai khan laga akaal pora Khali ekdin pora hi

Jun khan bisare Isor ke, kityabi digdar nohobo nahoilebi nakoribo bhoi biya khoborte. Shanti Isor laga bachabo tai khan laga mom ke aru dimag ke jisu Krista te.

Bacha khan Isor laga arpan koribi apuni laga Gyan ke aru budhi ke Isor ke. Gyan pormeshwor bachan laga uncha ase iku alag Gyan pora bi. Judi apuni porhe Bible ke prathana pora, tni hoile Isor pora dikhabo gehra rahasya khan ke pobitro kotha laga aru uthabo apuni ke.

Aji dhyan koribole laga Pobitro kotha tu hoile,  Luke 24:32 ” ki ami khan laga mon jole ami khan te jitya tai kotha korishe ami khan  logote rasta te, aru jitya Tai khulishe pobitro kotha ke ami khan te?”