Mar 17 – JIT MORA UPORTE!

1 Corinthians 15:26 “ses dushman juntu ke khotom koribo ase mora”

Itu lobhiya sipahi khan satan laga ase rajyo, shakti, moila atma khan aru biya atma laga duth khan swarg laga jaga khan te. Itu te ase narak bi. Kilekoile paap pora hi poila manu ke loishe adhikaar pura manu jati uporte.

Hoilebi Jisu Krista jitishe mora uporte, tai laga lagatar kotha mana Baba laga, aru Pormeshwar laga icha kora te. Itu karone, Tai jitishe satan uporte; jun thakishe shakti mora uporte, aru khaishe mora ke hodai din nimite (Isaiah 25:8)

Tai anishe wapas Jairus laga chukri ke, mora pora jibon te. Jitya Tai ahishe nain laga nagar te, matro ekta putro ekta vidvaah laga aru tai laga gau ke ulai di thakishe. Isor tai laga uporte morom hoishe, aru koishe, “jawan manu, Ami apuni ke koio ase, uthibi”, aru utu mora manu ahishe jibon te. Tai anishe Lazarus  ke wapas jibon te, jun mori kene thakishe char din nimite.

Jisu Krista jitishe bhoi uporte mora laga. “aru azaad korishe taikhan ke jun khan mora laga bhoi dwara tai khan laga pura jibon ke bondhi hoi kene thakishe” (Hebrews 2:15). Tai mon bonaishe khotom koribole satan ke jun khan shakti thakishe mora uporte, mori kene krus te Calvary laga. Aru Tai jiyai ase hodaiin nimite, aru ase chabi narak mora laga (Revelation 1:18).

Jisu Krista aha te, sob jun khan mora ase Krista ke hunibo awaz Pormeshwar laga aru uthibo aru ekbaar. Aru sukha haddi khan ahibo wapas jibon  te aru uthibo ekta dangor sipahi  te.

Apuni khan nischit koribo lage aru bachav koribo lage apuni laga monke paap te mori jaa pora. Hobole dibi Krista ke apuni laga jibon. Judi apuni sahasi hoi goshna koribole, “Kilekoile ami karone, jiyai thaka hi Krista ase” (Phillipians 1:21), tini hoile khali gau laga mora pabo labh apuni te. Pura bondh kori dibi aru surakshik korii sob rasta khan ke ji dwara paap ghusibo paribo apuni laga jibon te. Itu khali paap dwara hi ase ki manu khan khule darwaza mora karone tai khan laga atma laga. “atma jun paap kor moribo” (Ezekeil 18:20). “gau laga hisab te thaka mane mora ase” (Romans 8:6). Itu karone, jitibi inika gau laga bhabna khan pora shakti dwara Pobitro Atma laga.

Enoch aru Elijah – Purana Niom laga pondit khan beraishe Pormeshwar logote aru tai khan ke uthai loi jaishe swarg te jitya tai khan jinda thakishe. Itu nishina hi ses laga din khan te, apuni morom koribo lage Isor ke dhuribo lage Tai laga hath ke a ru berabo lage Tai logote. Aru maujudgi Pormeshwar laga thakibo hodai din apuni logote.

Isor laga bacha khan, kilekoile Isor pora kosom dishe kitya bi apuni ke nacharibole, mora kitya bi apuni usor ahibo naparibo.  Pondit khan Isor laga, jun berai Tai logote, nasabo mora ke hoilebi bodli hobo aru loi jabo swarg te. “oh mora, kote ase apuni laga dankh? Oh narak, kote ase apuni laga jit?” dankh mora laga ase paap, aru tagot paap laga ase niom. Hoilebi dhonnyabaad ase Pormeshwar ke jun  diye jit  Isor Jisu Krista dwara”. (1 Corinthians  15:55-57).

Aji dhyan dibole laga pobitro kotha tu hoile 1 Corinthians  15:51 “Thakibi, Ami koi apuni ke ekta rahasya:  ami khan ekdonm nagumabo, hoilebi bodli hobo.”