Mar 16 – PRABHUR PREMEN BHULMATH

Prasangi 1:4 Angurer rassethini jada thar preethin ham herdemellacha.

Apaner vumpar Prabhu Yesu Christhur preethina, dosthina, satha ruchu kojena kannai bhulnukoni. Yesu Christhur dakal yee jagema kuni Apanen prem kareni. Vu Prabhu paper vasu loyee redan dhoyoju kuni thyagam kidekoni. Kunvatho vu Prabhur preethin savaad kidechko vo kannai vu shaswith premenan vu Deven chodnukoni.

Prasangi 1:4 Angurer rassethini jada thar preethin ham herdemellacha yee vachaner prakar Yesur premena angurer rassethi polchan cha. Vu Yesu thona balathanu Gener vath 9:5 Tham aan battina khalen, ma gholmelijako angurer rassena peelo kan kerocha.

Anguren kutatho rathado rass bhar avaju apaner Prabhu Yesu Christhun sada siluvama maretho vor pakthimathi rathado anmoler loyee bhar aayiju dekacha. Yee calvary siluvama dikalojako Prabhu Yesu Christhur premena yee jagema kuni sari polcher veni. Vu athra moto thyagam kidojako keval apanepar chajako premethij.

Ye malkema chajako viswasivo Yesu Christhur thyagamena bhul javacha kethanu vu manav naijam chajethi ma siluvapar thyagam kidojako jeevadan thamarghali redojako loyeena kannai herdemellenu kan kocha. Yohan 19:2 vachanema apaner sos sammorethi renu kethanu vu Prabhu kanter kireetana perlino. Luka 19:41 vachanema apaner paper saraaper nazarer vasu Prabhur ankimathi hassu redo.

Valaker grandh 3:30 vachanema apaner paper aparadhar vasu vu marevalen vor gaalen cheti karlido koni kan vanchacha. Prabhu Vor jeebethi thameniju araj kido kan Luka 23:34 dekacha. Apaner paper bhojana vor kaandepar paldido kan  Luka 15:5 dekacha. Geeder grandh 129:3 khaneval Mar putena khanan, vunder saalena laambo kide kan dekacha. Yohan 19:34 vachanema Prabhur pakthima barjithi phosade kan vanchacha. Geeder grandh 22:16 Vo Prabhur hathenan, tangena phosadecha. Ajji Yohan 10:11 Yesu Christhu Maaj acho Gollavariya, acho Gollavariya gorlir vas vor jaanena dacha. Kannai apan yee Prabhur premen herdelamachako janna apaner mundemathi Geeden bolan vu hamesha bolu kariya.

1 Corinthivalun 11:26 Jethi tham yee battina khan, yee kacholima peevas jannase, Prabhu avajethanu vor mothena malam karocho kan namaste Yesu Christhur vathema samlacha.

Ajji jada dhyan Karen pado Solomoner geed 5 :10;6:3