Mar 15 – KHUSHI KARO

1 Pethru 4:13 Christhur mahima dikavajana tham khushi karan anand payena, vor velama tham hassodhar vege jethi khushi karo.

Anand karan khushi karo! Prabhu Yesu Apanen rakshan dethanu moto abhishek kidojegali Deven stuthi veda. Namaste yesejithi jada vor velama tham hassodhar vege jethi khushi karnu.

Yee jammipar apan banchero dad massaj kam cha. Jethij yek thandrir petema pedavejer vummar ghan kam Ajji vu sada massaj velathi cha kan Dever vathema dekacha. Yee jagema apaner jeevano santhama kayagural veendlen lamaju pharrecha kan malam karlen shaswith vagi banchajako vu hariyar bagema renu kan asaathi banchanu kan bhulnukoni.

Apaner dallema Pavithar Athma vasarocha katho Dever rajyam dayij cha kan herdemellenu. Vela avajana apan Pavithar Athmar madath lelen Yesu Christhur sayaama badlavani verecha kan khusi karnu. Jana vela kajako avajana Prabhun dai lavacha.

2 Corinthivalun 12:10 vornai ma Kamjorethi rujana jorevalo vunchu, jethi Christhur barema manna avajako kamjoreman, avamaneman, kastaman, badaman, bhavetima ma khushi karuchu kan Aposthal Paul kerocha.

Aposthal Paul von kathra jada vela aayithoi vor dallema Prabhu khushithi bharan himmath devalo cha kan viswas kido. 2 Corinthivalun 1:4 Devethi hamen malajako samjavnithi, kunsi bhaveti mayi hathayevalena ham samjayena chajevaal vena hamena avajako heryek bhavetimayi vuj hamena sanjayevalo cha. Yee loker jeevanema Prabhu Apanen Samjhayevalo cha ann dholo latha perlen vu shaswith jeevanema sada vu Prabhuj Samjhayevalo cha.

Christhur vasu vela pade jer bagey Darshaner grandh 7: 14-17 Vona ma – Vu Thonaj malam kan ko, jana vu – Ye ghane bhavetimathi aayejako cha, ye vunder lathana Gorlir Pillar loyeema dhon dhol karlidejako cha. Jethi ye Dever simhasaner aangaren, rathan diyya Vor Devalema Vona aradhana karacha, simhasanepar betojako vu yindena vor prasannathethi aasro vacha. Vundena abbepar bhuk ko, tharas ko reni, dader thavadoko, jhagar ko vunden lageni. Simhasaner vacher Gorlir Pilla yindena gollavaryaven, yindena jeever panir jheeri dai chalavacha, Devaj heryeker ankir hassuni luvacha kanko

Ajji jada dhyan Karen pado Darshaner grandh 2 :10 Thona avajako bhavetina chamakmath, yidek tham paricho vena bhuth thamema thodsekena khaidema ghalacha, Dass dad bhaveti padocho, pan thu mothethanu saspanerethi ra, jana jeever kireeta thona duchu