Mar 15 – JIT PRAKRITI UPORTE!

Psalm 12:3 “suraj pora apuni ke din te aghat nakoribo, nahoilebi rati chand pora aghat nakoribo”

Jitya apuni thake mantralay te Pormeswar laga, satan pora kuchis koribo dhalibole prakriti ke khilaf te apuni laga. Tai pora misa laga china bi dikhabo akash te. Hoilebi apuni kitya bi bhoi nakoribo lage. Isor, jun logote ase pura adhikaar swarg aru  prithibi laga, adesh dibo apuni ke jit prakriti uporte. Ki Tai ami khan ke hudanai adesh dibole Tai laga kaam khan te Tai laga hath laga.

Surute Tai laga prithibi laga mantralay te, Isor Jisu upwas rakkhishe challis din nimite aru rati balu mati te. Aru Tai ikubi kha nai. tai pani ek boondh bi khanai pare utu balu jagah te. Itu khan sob thakile bi, tai ke jitibo paranai prakriti laga bhuk aru pyas pora.  Tate bishi gorom bi thakibo pare din aru bishi thanda rati te. Hoilebi itu khan tai ke biya koribo paranai. Aru itu iki Pormeshwar kosom di ase apuni ke koi kene: “apuni bhoio nakoribo atankh pora rati laga, nahoilebi thir pora juntu ure din te, nahoilebi mahamari juntu berai rati te, nahoilebi vinash juntu phelai kachra ke din te” (Psalm 91:5-6).

*Sob Pormeshwar laga nirmaan kotha mane Krista Jisu laga. Tai beraishe hagor te, jinika ekta tan mati te. Jitya Chela Peter icha korishe berabole pani te, tai itu koribo parishe jitya tok tai Jisu ke saishe. Aru dusra sthiti te , utu nau chela khan ke buki thaka tu bhugi lagishe hagor laga toofan ke. Ekta dangor hawa pani aru uncha leher uthishe, hilai kene nau ke, aru bhorta kori kene itu ke pani pora.

Hoilebi Jisu pora gali korishe hawa ke aru koishe hagor ke, “shanty, aru sthir hobi” aru hawa khotom hoishe aru tate ekta dangor sannata thakishe hagor te. Tai pura jit thakishe prakriti uporte.*

Itu namumkin ase manu karone berabole hawa te; kilekoille madhyakarshan(gravity) pora niche tani lobo taike. Hoilebi Isor Jisu, beraishe badal te aru loi jaishe taike swarg te. Tai paar kori jaishe suraj aru chandh ke, aru bohishe dahina hath phine Baba swarg laga

Pondit khan Purana  niom laga, dava korishe adhikar laga Pormeshwar laga kosom pora, ki tai khan adesh dibo juntu Tai laga hath laga kaam ase. aru inika hi, paishe jit prakriti uporte. Judho te Amorites kham laga khilaf te Gibeon te, Joshua janishe ki taikhan jitibo lage suraj naduba agete, nahoile taikhan hari jabo. “titya Joshua koishe Isor ke din te jitya Isor pora loi jaishe Amorites khan ke Israel laga bacha khan usorte, aru tai koishe Israel laga agete: “suraj khara hoi thakibi Gibeon uporte;aru chandh Aijalon laga ghati te.” Toh suraj rukkhi thakishe, aru chandh rokhi jaishe, jitya tok manu khan  badla loi loanai tai khan laga dusman logote” (Joshua 10:12-13). Isor laga bacha khan, apuni bi prathana koribo lage aru dava koribol lage jit prakriti uporte.

Aji dhyan koribole laga pobitro kotha tu hoile James 5:17 “Elijah  ekta manu thakishe prakriti laga jinika amikhan, aru tai prathana korishe mon di kene ki pani nagiribole; aru pani giranai utu mati te tin saal aru choi mohina nimite”.