Mar 15 – HARAOJOU!

”Adubu nakhoina Khristagi awāba khāngbagi saruk phangminnabani hāina harāojou, maduna Isorna Khristagi matik ma’ngān phongdokpa matamda nakhoina yāmna harāojanabani.1 Pitar 4:13 (1 Peter 4:13).

Harao nungaijaro! Eikhoigi damakta chaoraba arankhubam pibiba Iswarbu thamoidagi thagattuna haraojasi. Aduga mahakna eikhogi damakta thao noibiba asigi damaktasu thagatsi. Khudingmakki mathakta Christaga awaba khangminnabagi damaktasu thagatlasi.

Taibangpunshi asi yamna telli. Sastrana hai, “ nupidagi poklakpa mioibagi punshi asi telli aduga a awabana thalli. Swargagi ningthou leibaktadi eikhoina lomba naidana leiragani. Aduna eikhoina langphei oina leiriba taibangpan asida lomba naidaba swargagi ningthou leibak adu phangnaba hotnabasi eikhoigi khwaidagi maru oiba pandam oihangadabani.

Thawai asengbana eikhoigi nungda leirabadi swargagi ningthou leibak asi eikhoigi khutta leire. Thawai asengbagi matengna eikhoina khangliba otneibiba khudingmak asina eikhoibu Christagi sak ong da onthokpigani. Aduga eikhogi awabasing asina eikhoibu  Prabhuga henna naknabagi damakta mateng panggani.

Maram aduan Pakhonchatpa Paulna asumna hairammi, “ aduna eina eigi asonbasing asida haraojei, ikaibada, awatpada, otpibada amadi awabada, madu Christagi damaktani.” (2 Corinthians 12:10).

Otipiba mayam gi marakta  su  pakhoncatpa Paulgi thamoina Iswargi pukning themjinbiba adu phanggani haina asa touri. Iswarna eikhoibu themjinbiba mathemjin aduna eikhoina awaba ana tabasingbu themjinba ngamnaba mahakna eikhoibu eikhoigi awa ana pumnamakta themjinbi.” (2 Corinthians 1:4).  Masigi taibangpangi punshi asida Pradagi eikhoina pukning themjinba phanggani. Aduga eikhoina swargada changba matamdasu Prabhuna eikhoibu pukning themjinbibani.

Eina ma’ngonda hāikhi, “Ibungo, nahākna khang’i.” Aduga mahākna eingonda hāikhi, “Makhoi asi sāthiba awā anā adudagi thoklakpa misingni amasung makhoina phijonsing adu yāo machā adugi eeda sudoktuna ngouhalle. Maram aduna makhoina Isorgi phambān’gi māngda leiduna ahing nungthil chuppa mahākki asengba maphamda mahākpu thougal tou’i, aduga phambānda phamliba mahākna makhoigi marakta leigani. Makhoi amuk hanna lāmlaroi amasung amuk hanna khourānglaroi; numitna amasung meisānasu makhoigi mathakta yeiraroi. Maramdi phambān adugi mayāida leiriba yāo machā aduna makhoibu senbigani amasung makhoibu ahingba isinggi iphutsing tānna chingbigani; aduga Isorna makhoigi mittagi pi khudingmak teithokpigani.”Phongdokpiba 7:14-17

Iswargi machasing, awabasingda kiganu, makhoina yaiphaba lambida pubigani. Akhuba lambida chattuna swargagi lambida change. Maduna lomba naidaba maphamda pubigani. Nakhoina Prabhu Jesugi tung illabadi nahakki tunggi punshi adu yaiphaba amadi haraoba oigani.

Nahākna wāgadouriba adugi maramda kiganu. Yeng’u, nakhoibu chāng yengnaba diyābolna nakhoi kharabu keisumsangda langsin’gadouri, aduga nakhoina numit tarāni awā anā phanggani; siba phāoba thājaba yāba oiyu, eina na’ngonda hingbagi luhup pigani.