Mar 13 – Banzmbzman Saring Daina!

“Etteden Hen Misoranji a d’ong, itente a kuddub banzmbzman abmelai, kun a kuddub d’ong-ben abnabhanghangai. Iten asan gamlenden d’ong-ben absamangten a Gamangtungan Hen na” (Hanagod 15:26).

Er sanaisaige buteja agasa. Buten buten ate d’ongdage, do buten buten ate j’en er tu’ul-lingan dakute. Buten buten ate er lululenben dakuteji. Ordaran na barij sanaisaijan do anangan batte barij daku, iten asan gamlenden Pitun. Edon kutta lingan mandran abs’idamlen anin a kudduban.

Itente dakule, a pintuneten asan. Ganagalingan, sanaisai banuddi-lingan do d’ong-lingan abs’idamlen kan ordar-lingan, Kitungan sattang maih lumle raptite kuddub-lingan itente tiytiylangte. Bibolan gamte: “Benda singokidanji janumjuman er hanglabe dulaidateji, bindo bute bute Gamangtungan a d’ong sanilsaijteji, aninji abmele banangsan er asuige adde-e”. Bigarda bananda berlingan, kan koniltabe: “radudam do ranaptidam sanaisai er t’ul-lingan.

Bindo Kitungan amandranji radudam deteji’. Kuddub sanaisaling-ben, amben agijgijben dete ruanganlingan agabdiltungan do ordaran, anin-na sattan gudingbenten, ayengan abhanataben do gupataben. Sanenken Daudo amadan Kitungan amangba dakule do gamle: “Gamangtungan na Gupa Mar-hen; henate er asuige adde-e”. Amben danukka-lingan dakupo handran apsele? Etiden, amben ahangte adnang

Amben Kitungan atimangba ayirben dete birindage do er-rudnage garbernaba Kitungan amangba, hangdrangben bangsa gupa-maran absittate. Ayengan a Kitung moloi ajar mandranji a d’ong moloi rutipun do bagu ayon batte tiyjumle, d’ong-ben absittale kuddub sanaisaiben tiytaben. Kuni-na a Kitung bokurdi ajar lokiyo Israel,mandranji a d’ong (Hanagod 15:26). D’ong-ben janang tiyjumtaben do kuddub sanaisaiben tiytaben.

Ateng mandranji amangba lebun asanaisaijan dakute, ogandile gijba jaja bo mandra amang saring apangte orde itjaja samanan, Kitungan amang ergijgijlabe. Sanasai ayam-sikoija, bigarda bigarda anogandiji pangtai jajanaben asan, Kitungan jajanaben apsele adtiyben. Bindo bute bute amangba gijgijteji gupamarhen gamle, do ogandite hen adjajanai gamle, kan ambrij ayam-lingan (Sanenken 41:1-3).

Mandrengna ling-ben Kitungan rubmang baran lumte. Kitungan amang gamba engale juarbojan Jerpatan amang-ling rubmang baran lumle. Angante amben a d’ongan asaite, Anin sanasaiben tiytaben do tunladage Anin tiytaben.Kitungan a bernan appaile mandranji a d’ong absamangle. Daniel garbermar dakule, “E Gamang, Bindo mittam bernan batte opunga, etteden boanta-hen sanamangan hangte”.

Okiy Kinolbe absele: “Bar deman a garberan anta bzmbzm maran a d’ong rabrabte, do Gamangtungan anin a d’ong abdzte, bar bogad anin pintu baran lumlenanden antate anin apsele tanabmadan dete” (Jakub 5:15).