Mar 10 – SHANTI BONAI DIYA KHAN!

Matthew 5:9 “ashirbaad ase shanti bonai diya khan ke, kilekoile tai khan ke matibo Putro khan Pormeshwar laga”.

Hobole shanti te, morom kora shanti ke; aru bonai diya shanti ase alag alag motlob. Aru Isor pora mate shanti bonai diya khan ke ‘ashirbaad’ jon. Ami khan itu karone, bujibo lage ashirbad khan ke shanti bonai diya laga.

Tate bishi ase jun khan santusth hoi jiyabole shanti te. Hoilebi Isor icha kore loi jabole apuni ke agla uncha sthar ke; aru icha kore dibole apuni ke mehetvapurn zimaedari khan ke. Tai icha kore apuni ke bonabole shanti porivar khan te jote nai shanti. Ki apuni jane ekta porivaar jote mota aru maiki nai iku shanti? Apuni prathana koribo lage tai khan karone nirnatar; lok koribo lage tai khan ke; aru ani bo lage tai khan majete milap. Itu nishina hi, jitya tate samasya khan ase porivaar majete, bhai kokai majete, nahoile bi girja laga Biswas I majete, apuni khan modot koribo lage milap korai dibole tai khan majete alag kori thaka khan ke aru anibo lage shanti ke. Ami khan koribo lage itu ke, kilekoile ami khan laga isor ase Rajkumar Shanti laga. Itu iki Isor jun pora dishe ami khan ke shanti mon te, icha kore bonabole bhangi jam on khan ke aru porivaar khan ke anibole shanti ke.

Ki ase shanti? Shanti ase utu stithi junke nai kun bi dushman. Dushman poila ahishe Bagicha te Eden laga, hoi kene ekta natija paap laga. Aru Isor Jisu ahishe prithibi te, khali ghurai dibole utu dushmani ke shanti te. Tai dishe tai laga jibon ke krus te khali milap korai dibole manu jati ke Pormeshwar logote. Pobitro kotha te koi, “hoilebi itya Krista jisu te apuni jun ekbaar thakishe dur te anishe itya usorte khun dwara Krsita  laga. Kile koile Tai  Nijor hi ase ami khan laga shanti, jun bonaishe duijon ke ekta, aru bhangai dishe maje laga bera te alag kori diya laga” (Ephesians 2;13-14)

Krus ke bonai duita kath laga tokta pora. Siddha takta dikhai milap ke nahoilebi shanti ke majete swarg laga Pormeshwar aru manu te. Aru uncha takta dikhai shanti nahoilebi milap ke manu aru manu majete. Ami khan bonabole lage manu khan ke hobole shanti te Pormeshwar logote; aru manu ke bi hobole shanti te ekjon dusra jon logote.

Pobitro kotha te koi, “kintu Pormeshwar nahoi lekhak shankha laga hoilebi ase shanti laga (1 Corinthians 14:33). Itu karone, ahibi ami khan bisaribo shanti ke aru itu ke piche kori jabo” ( 1 Peter 3:11). Khali sabi aru dhyan koribi angina aru biya ghatna khan ke khelimeli aru samasya laga majete porivar khan laga; majet ghor khan laga; desh khan laga;a ru mejet jati khan laga. Pura samaj ase bhorta pachtava, jhagra, kanooni mamla aru ghrina khan logote.

Ki apuni bi sesta kore bodlabole itu poristithi khan ke; aru anibole shanti ke? Apuni sesta koribo pare bachibole itu poristithi khan pora, pratigya loi kene pratahana koribole. Hoilebi isor akha kore ekta ucha sthar  laga ashvasan apuni pora. Bacha khan Isor laga, Arpan koribi nijor ke ekta dhanti korai diya hoi kene, aru piche koribi kadam khan ke ami khan Isor Jisu pora.

Aji dhyan koribole laga pobitro kotha tu hoile Ephesians 6:15 “aru apuni laga theng thik te tayar hoi kene  susmachar te shanti laga”.