Mar 10 – JIT WAFADAARI PORA!

Daniel 6:4 “hoilebi tai khan bisari panai iku arop nahoilebi galti ke, kilekoile tai wafadar thakishe; nahoilebi tate iku truti nahoile dosh panai taite”.

Chabi jit laga pai hosa te, sonman aru wafadari te. Judi apuni wafadar ase olop te Isor pora bonabo apuni ke malik bishi laga. Misa koa aru dhokebazi kora khan kitya bi nauthibo; aru homoi te sob misa khan laga khulasa hobo aru tai pabo haar ke.

Ki sbak ase apuni shikhi paa tu Daniel laga jibbon pora, safalta aru jit laga? Tai ke paishe hosa aru wafadaar Pormeshwar aru manu laga nazar te. Tai cholaishe ekta jibon ke juntu ke kityabi samjhauta koranai sonman aru antaratma logote. Tate ekta group thakishe manu laga sorkar te, jun khan hodai hi kuchis kori thakishe bisaribole kiba arop nahoile alag khilaf te Daniel laga. Hoilebi tai khan iku truti nahoile galti panai taite.

Ekta naam ase satan laga ‘iljam lagai diya bhai ke’ (revelation 12:10). Atma iljam lagai diya ahe satan pora; aru itu hosa ase ki jun khan bisare galti aru iljam lagai manu ke, ase giri ja laga stithi te. Tai khan ke bi satan laga pondit matibo pare.

Jibon Daniel laga thakishe lily phul nishina kata khan majete; aru seb gash khori khan laga majete. Aru tai kitya bi prathana kora ke chukanai; kaam koribole Pormeshwar laga rajyo nimite; aru loi jabole ekta jitya laga jibon ke aru charibole gun ke Pormeshwar gyan laga, tai laga jibon pora. Judibi tai ke dabaishe bishi mamla khan te aru porikha khan te, tai loi jaishe tai laga wafadaari ke.

Ki apuni jiyai ase apuni laga jibon ke ekta wafadaar Christian  hoi kene? Ki apuni dhuri thkibo wafadaari laga jibon te, judi bi jui ke saath guna barhai diye? Ki apuni rakhibo aru dhuri thakibo apuni laga wafadaari  ke judi bi apuni ke phelai diye hingo laga gufa te? “kintu suku khan Pormeshwar laga polai age aru piche pura prithibi te, ki dikhabole Nijor ke tagot tai khan nimite jun khan laga mon wafadaar ase Tai te” (2 Chronicles 16:9).

Ki gawahi ase Daniel laga junke phelai dishe hingo khan laga gufa te? Pobitro kotha te ami khan pore inika: “Daniel koishe raja ke: “o raja, jiyabi hodai din! Ami laga Pormeshwar pothaishe Tai laga duth khan ke aru bondh kori dishe hingo khan laga mukh ke, ki tai khan ami ke jokhom koribo naparibo, kilekoile ami ke paishe nirdoshe agete Tair; aru, o raja, ami iku galti koranai aget apunar”(Daniel 6:21-22).

Isor laga bacah khan, Pormeshwar akha kore wafadaari apuni te; sonman apuni laga mon laga aru hath khan laga. Tai utsuk hoi kene sai ase pobitrota ke apunar mon laga aru suku khan laga. Hosa thakibi aru wafadaar thakibi sob saman khan te. Aru apuni laga wafadari pora dibo hosabi apuni ke insaaf galti nathaka laga apuni te.

Aji dhyan koribole laga pobitro kotha tu hoile 1 Timothy 1:12 “aru ami dhonyabaad kore Krista Jisu kea mi khan laga Isor jun pora paraishe ami ke, kilekoile Tai ginishe ami ke wafadaar te aru dhalishe ami ke mantralay te”