Mar 09 – JIT PRATHANA PORA!

Daniel 6:10 “Itya Daniel jane ki likhan te hartakshar hoioshe, tai jaishe ghor. Aru tai laga upor laga kamra te, tai laga khirki sob khule Jerusalem phine, tai jhukishe tai laga ghutna te tin baar utu din te, aru prathana kori kene dhonyabad korishe agete Isor laga, tai laga niom hisab te poila din khan laga”.

Daniel tu ekta dangor prathana sipahi thakishe. Hoilebi taike porikha lobule ekta notun kanun ke bonaishe Babylon te, ki jun bi anurordh kore kun isor nahoilebi manu ke tis din tok, raja ke chari kene, tai ke dhali dibo hingo laga gufa te.

Jun khan suku jole Daniel ke rakhishe utu kanun ke. Holebi itu raja ghor laga niom nahoilebi itu saza hingo laga gufa te dhali diya bi hilabole paranai Daniel laga prathana jibon ke. Daniel prathana korishe narukkhi kene ekla aru tai lag sathi khan logote; ki tai khan bi pabo daya ke Prabhu swarg laga. (Daniel 2:18).

Daniel anushasahan korishe prathana kora laga tin baar ek din te (Daniel 6:10). Tai upwas rakhishe aru prathana korishe tin hafta tok Prabhu nimite swarg laga dikhai dibole rahasya khan ke; aru tai laga chabi ke sob safalta laga aru jit laga.

Daniel prathana korishe tin baar din te; itu niom te  tai laga bura baba khan laga Israelites khan laga; namak Abraham, Isaac  aru Jacob . Abraham thakishe itu vyavahar ke hodai phujir prathana te (Genesis 19:27). Isaac dhyan korishe sham te (genesis 24:63). Aru Jacob prathana korishe pura rati te (Genesis 32:24). Itu karone, Daniel bonaishe tai laga prathana homoi ke niom te tai laga bura baba khan laga aru paishe ashirbaaad tai khan laga.

Jitya ullekkh kore tai laga prathana homoi ke, David koi: “sham aru phujir aru din te ami prathana kore, aru kande jor pora, aru Tai hune ami laga awaz ke” (Psalm 55:17). Judi bi apuni chune prathana koribole tin baar din te, itu pora modot koribo apunike janibole maujudgi ke Prabhu laga; aru bachibole satan laga jaal pora.

Hobole dibi itu utsah prathana jibon pora David . narukhi kene kora prathana laga saman iku nai. bonabi ekta thik sankalp uthibole joldi phujir te prathana koribole. Prabhu kotha koi Daniel  ke: “surute apuni laga anurodh laga adesh ulai ahishe,a ru Ami ahibo lagishe apuni ke kobole kilekoile apuni ke bishi morom kore” (Daniel 9:23).

Prathana ekla pora apuni ke barai dibole pare raja nishina jit ke. Prabhu pora uthani dibo aru  mahima koribo apuni ke, judi apuni hodai din laga aru anushashan thake prathana jibon te. Daniel jhukaishe nijor ke Prabhu agete, jitya tai rajyo korishe pura  Babylon te. Tai upwas loishe, ghutna tekishe aru prathana korishe. Isor laga bacah khan, itu pora bhal koribo apuni karone ki manibole anushashan apuni laga jibon te.

Aji dhyan koribole laga pobitro kotha tu hoile psalm 95:6 “oh ahibi, koribo seva aru jhukibo niche; ahibi ghutna tekibo agete ami khan Isor laga ami khan ke nirmaan kora”.