Mar 07 – DAYAVAAN!

Matthew 5:7 “ashirbaad ase dayavaan, kilekoile tai khan pabo daya”.

Itu podh pora diye ami khan ke duita ashirbaad. Jitya ami khan dikhai daya dusra khan ke, ami khan ashirbaad aru khushi thake. Judi bi ami khan pai daya ke, amikhan ashirbaad aru khushi ase. Dusra sobse dangor adesh pobitro kotha te ase, morom koribole apuni laga padosi khan ke jinika apuni morom kore nijor ke. Jitya ami khan ase inika morom mon  te,a mi khan dibo ami khan laga homoi ke, saman khan ke aru salha ke tai khan ke jun khan ase dorkaari; barhabo ami khan laga daya ke aru modot koribo tai khan ke.

Ekbaar ekta manu pora koishe ekta achurit kissa. Ekta bhikari jaishe ekta ghor te mangibole olop bachi ja khana ke, kilekoile tai bhuka thakishe.utu ghor laga boari, pothai dishe tai ke koi kene ki tai khan iku bachi ja khana nai. Itu dikhi kene, sasu ama tu ghor laga gussa hoishe. Tai koishe boari ke: “kinika apuni bhikari ke pothai dishe? Khali ami ke adhikar ase inika koribole itu ghor te, kobole ha ya naa kunuba ke”.

Inika koikene tai matishe bikari ke aru koishe tai ke, “kinika apuni jaishe huni kene ami boari laga kotha ke? Ami ase adhikaar itu ghor te; aru apuni itu manibo lage khali ki ami pora puni ke koi. Itya apuni itu sapha kori dishe, apuni jabole  pare kilekoile ami khan iku bachi ja khana nai ghor te. Utu bhikari jun ahishe wapas akha kori kene olop khana aru bikh, jabole lagishe iman nirasha pora.

Tate bishi ase jun khan phelai sikka bhikari phine, aru berai jai tai khan ke nasai kene bi. Tai khan khushi kore ki tai khan dikhaishe daya ke; aru pura korishe tai khan laga kaam ke. Itu daya nahoi. Daya hoilebi bishi gehra ase. Itu khali morom laga nahoi. Aru itu ke dusra manu laga samasya koi kene nasabo lage. Hosa laga day ase milai diya nijor ke utu manu logote aru hosa mon pora modot kora tai ke itu samasya pora bahar ulabole.

Aji kali laga din khan te, daya dikhai diya tu sai ekta komjuri koi kene.a mi khan dikhe ki kunuba khan giri jai najana laga samsya te kilekoile tai khan icha kore dikhabole daya ke. Aji kali joldi ja laga prithibi te, jitya manu khan ke nai homoi sabole nijor laga samasya khan ke,tate homoi nai sabole dusra laga samasya khan ke bi. Prithibi  pora bhabna kore ami khan komjur ase, judi ami khan khemai kore tai khanke jun khan kaam kore khilaf tea mi khan laga. Hoilebi pobitro kotha te koi sapah pora, ki judi apuni bondh kore apuni laga monk e manu ke modot koribole laga, itu motlob ase morom Isor laga nai ami khan te(1 John 3:17).

Christian khan khali gau laga modot aru daya dikhabo nalagae; hoilebi atma laga daya gentiles nahoilebi Isor naja khan ke dikhabo lage. Judi apuni ke nai morom taikhan uporte aru ghoshna kore Susmachar ke Jisu Krista laga tini hoile tai khan harai lobo poritran ke. Sobse dangor modot ase ki apuni dibo pare ekta mnu ke, apuni laga mon morom laga. Bacha khan Isor laga prathana koribi tai khan karone aru dibi susmachar ke ami kha Isor Jisu laga.

Aji dhyan koribole laga pobitro kotha tu hoile Jude 1:21 “rakhibi nijor ke morom te isor laga, sai kene daya kaorne Isor Jisu Krista laga hodai din laga jibon nimite.”