Mar 04 – JIT MOROM PORA!

Romans 8:35 “kun pora alag koribo ami khan ke morom pora Krista laga? Ki dukh khan, digdar khan na atyachar pora, na akal aru lengta te, na khatra na tarwal pora?”

Morom ekta tagot thaka hatyar ase juntu dishe ami khan ke Prabhu pora. Morom pora dubai dibo pare sobse khatarnak dushman ke bi. Judi apuni logote ase swarg laga morom apuni laga mon te,itu pora bodli koribo pare iku haar ke bi jit te. Pobitro kotha te koi: “jitya tai khan paar kore ghati pora kanda laga, tai khan bonai itu ke jharna; borokhun bi Dhaka itu ke noor pora” (Psalm 84:6).

Ami ke yaad dilai ekta hosa ghatna juntu hoishe ekta porivaar te. Utu porivaar laga mota thakishe ekta sipahi manu, kaam te wapas jabole lage Indian border te north India te, olop din pichete tai laga sadi laga. Tai laga maiki bishi morom thakishe tai uporte. Utu mota tu jabole parishe tai laga porivaar logote bosti te khali olop din nimite hi pura saal te. Aru inika hi jai thakishe pura pondro saal tok. Maiki tu bishi khushi hnoishe janibole ki tai laga mota tu retire hoi ase army pora koi kene. Toh, tai jaishe lobule taike railway station te, iman khushi pora tai laga mon te. Hoilebi tai bishi achanak dukh hoishe taike pura nisha te pai kene.

Tai aha tu bitaishe bishi tai laga  homoi mudu dukaan te aru sathi khan logote hi. Tai bitai tai laga homoi juwa te bi. Tai kandishe bishi mon tita hoi kene. Hoilebi itu  pora itu asar nahoi tai uporte bi, tai biya pabole shuru hoishe tai ke tai laga mon pora. Tita aru biya paa dhuri loishe tai laga pura jibon te. Tai prathana bi lobule jai tai laga pastor khan logote, bhabna kori kene ki tai alag hoi jabo koi kene tai laga mota pora.

Hoilebi tai laga pastor pora taike salha diye aru koi: “judi bi tai ahe ghorte nisha hoi kene, swagat koribi tai ke ghorte hasi kene apuni laga chehra te aru dibi tai ke cha; aru kobi ki apuni taike bishi morom kore”. Utu maiki kuchis korishe manibole tai laga salha ke, hoilebi tai ke iku unnati huwa nai tai laga adot te, ek mohina te bi.

Tai wapas jaishe tai laga pastor logote. Aru tai salha dishe bonabole tai ke swadisht khana aru dibole tai ke koishe. Tai dilasa dishe taike lagatar prathana samrthan dibole shanty hobole tai laga porivaar te. Nomrota aru morom pora maiki laga, aru prathana samarthan pora pastor laga, tate ekta achurit bodlav ahishe mon te utu manu laga. Tai bonishe ekta notun manu, loishe Jisu ke tai laga Isor aru Rakshak hisab te aru mantralay te bi modot koribole shuru hoishe.

Judi apuni loi itu dangor hathyar ke morom laga apuni laga hath te, sob apuni laga dushman khan bi giri jabo apuni laga agete. Pobitro kotha te koi: “hoilebi itu sob saman khan tea mi khan jita laga ase Tai pora jun ami khan ke morom korishe” (Romans 8:37). Ami khan laga Isor Jisu Krista ahanai nichete prithibi te jhugi bole kun laga khilaf te bi, hoilebi dikhabole Tai laga morom kea mi khan karone. Ami khan pore pobitro kotha te ki: “kilekoile Isor iman morom korishe prithibi ke ki Tai dishe Tai laga okol ekta Lora, ki jun biswas koribo Taike khotom nahobo hoilebi thakibo hodai din laga jibon ke”  (John 3:16). Isor laga bacha khan, cholabi hathyar ke morom laga; itu dhure sob samn khan ke aru jite saob saman khan ke.

Aji dhyan koribole laga pobitro kotha tu hoile 1 Corinthians 13:13 “aru itya manibi biswas, akha, morom, itu tinta ke; hoilebi sobse dangor itu khan majete ase morom”.