Mar 03 –ISWARGI WAHEIDA LAN NGAMBA!

“Maramdi eikhoina soknariba langi khutlaidi hakchanggi natte, adubu lanban thugaina Iswargi mapanna khutlaising adugi mapanggal leibani.” “ (2 Corinthians 10:4).

Kanagumba mi kharana Bible asi Langi lairikni hai. Adubu einadi masi lan ngambagi lairik ni khalli aduga masidagi eikhoina karamna lan ngamgani haibadu tamba yai. Leisemlingeidagi houna mioibana taibangsigi mathakta lan ngamduna mapu oiba yabagi matik amadi lan ngambagi hak adu pibikhrabani. Mioibana samudrada leiba ngasing ,  atiyagi uchek wayasing , sa san, malem pumnamakki mathakta amasung leibakta mapukna  sittuna chatpa jiba khudingmakki mathakta pansanu. (Genesis 1:26).

Iswarna mahakki misinggi maiyokta lakliba lan misinggi maiyokta lan touduna lan adu ngamkhi.  Aduga Iswargi misingna lan ngamduna asumna laokhatlammi, “ lan haibasi Iswargini, aduga Satan adu maithire. Lan ngamba haibasi eikhoigini. Eikhoibu lan ngamhanbiba Iswar adu thagatpa oisanu.”.

Iswrna mahakki misingbu lan gi khutlai mayamda setpiba matamda Mahakna asumna haibiri, “ Thawaigi kabakthang adu loukhatlu, madu Iswargi wahei aduni.” (Ephesians 6:17).  “eina nakhoida hairiba wahei sing asi thawaini, aduga hingbani. (John 6: 63) masi maya ani panba thangsangni aduga Satanna masigi maiyokta keidoungeidasu leppa ngamdabani.

Jesugi mamingsinggi marakta amadi “ Wahei” koubani. Sastrana hairi, “ ahoubada wahei adu leirammi, wahei adu Iswarga leiminnarammi, amasung wahei adu Iswar oirammi. Mahak asi ahanbada Iswarga leiminnarammi.” (John 1:1-2).

“mahakki makhut yetta thawan michak taret leirammi, mahakki machindagi maya ani panba athouba thangsang ama thoklakkhi amasun gmahakki maithongdi yamna kanna saduna nganba numitkumlammi.” (Revelation 1:16).

“mahakki machindagi jatisingbu yannaba athouba thangsang ama thoklak I,aduga mahakna makhoibu yotcheina sennagani, mahakna ingam ngamba Iswargi mei houna saobagi angur sumpham netli.” (Revelation 19:15). Bible asi Iswargi waheising recordni. Masi Thawai asengbagi mapanna nangonda pibirabani.

Prabhuna Satangi maiyokta lan gi khutlai mayam leiramba tarabasu Iswargi Wahei tana mahakki changyengsingbu ngamkhibani. Satannasu Iswargi wahei adubu sijinnanaba hotnakhi, adubu Jesugi chindagi thokpa waheising aduna mahakpu maithiba pibkhi. Prabhuna Iswargi wahei adu asumna  quoat tourammi, “ masi  asumna iduna lei” haina Satan bu maithiba pibkhi.

Sastrana hai, “ maramdi Iswargi wa asi hingi, amasung thabak touba ngammi, aduga maya ani panba thangsangdagi henna thou i.  masina thingjinduna hingbaga thawaiga tangsamga sading thaoga khaidok I, aduga pukningbu amasung thammoigi wakhalbu khangba ngammi. ” (Hebrews 4:12).  “eigi wa asi meigumba nattra? Jehovahna hai, madu nungjaobu machete machete tana thugaiba nungthanggumba nattra?” (Jeremiah 23:29).  Iswargi machasing, Iswargi wahei asi chetna paiduna taibangda mangal gumna ngallu. (Philippians 2:15-16).

Dhyan tougadaba: “nasa khudum challu, miseng khangu, maramdi nakhoigi yeknaba Diyabolna ngangliba nongsagumna  kanagumbabu yotsinnaba thiduna koina chatli.” (1 Peter 5:8)