Mar 02 – JUN KHAN MON DUKH KORE!

Matthew 5:4 “ashirbaad ase tai khan jun mon dukh kore, kilekoile taikhan ke hobo ahram”.

Kinika jun khan dukh kore hbo ashirbaad? Apuni bhabna koribo pare judi ashirbaad aru dukh ase duita alag disha! Dukh aru bugha ase dukh pai thaka nijor te; swargya dukh; gau laga bhuga; atmakarik dukh. Aru sob itu khan ase alaga alag matlab.

Pobitro ktoha te koi, “ashirbaas ase apuni jun khan kande itya, kilekoile apuni hasi bo” (Luke 6:21). Dukh aru kanda ke koi ken ease yate nahoi gau laga; hoilebi atma laga. Itu ase such swikaar kora paap khan ke ekta pachtava laga atma logote; aru bhar ase atma laga kandi kene ula bachabole tai khan ke jun khan bachi kene nai.

Nabi Jeremiah  kityabi dukh koranai bimar khan te; mrityu te; aru poila laga samasya khan; nahoilebi alag hoi ja. Tai thakishe dukh pai kene nabacha laga atma khan nimite. Tai bhoi korishe faisla Israel uporte aha laga. Tai  kandi kene koishe, “oh, ki ami laga matha pani hoile, aru ami laga suku ekta jharna suku pani laga” (jeremiah 9:1). Tai ke matishe ekta Nabi suku pani aru dukh laga; kilekoile itu akorne tai thakishe ashirbaad aru tai laga kitab ase bhag ekta pobitro kotha te.

Psalms likha khan bi thakishe atmakarik dukh khan. Tai koishe, “Nadi pani laga polai niche ami laga suku pora, kilekoile manu narakhe Apuni laga niom ke” (Psalm 119:136). Poribi atmakarik dukh ke Ezra, Scribe ke. Pobitro kotha te koi, “jitya tai ahe tate, tai khanai iku bi roti aru khanai iku bi pani, kilekoile tai dukh korishe doshi ke tai khan laga junk e bandhi bonaishe” (Ezra 10:6).

Nahobi chup chap, jitya paap kuchis kore jitibole apuni laga nijo jibon te. Kitya bi bhabna nakoribi apuni laga mon te ki kile apuni pachtava koribo lage, judibi jitya sob khan kori ase iki kaam ke. Kitya bi napahoribi ki itu ase apuni laga paap khan jun tu jojal marishe Jisu ke Krus te; ijajat dishe Tai ke chipabole apuni laga theng te; aru ane apamaan Tai laga kimti khun phela ke Krsute sapah koribole apuni ke apuni laga pap khan pora.

Utu din te, nabi Isaiah kandi kene koishe, “dukh ase ami ke, kilekoile ami napungche! Kilekoile ami ase manu moila much laga, aru ami thake majete manu khan laga moila much laga” (Isaiah 6:5). Tai thakishe gehra dukh te tai nijor stithi laga. Utu dukh khali loi janai tai ke sapah te; hoilebi uthaishe tai ke ekta nabi te Isor laga.

Chela Paul koi, “kintu swargya dukh khan ulai pachtava loi jai poritran te, dukh koribole nahoi; hoilebi dukh khan prithibi laga ulai mrityu. Kintu sabi itu saman ke, ki apuni dukh kore swargya hisab te: ki asar ulai itu apuni te, ki sapha hoi apuni te, ki stithi, ki bhoi, ki niyantran kori bo napara icha, ki utsukta, ki dushmani! Itu sob samna khan te apuni ke goshna kore sapha itu hisba te” (2 Corinthains 7:10-11). Bacha khan Isor laga ashirbaad ase tai khan jun dukh kore.

Aji dhyan koribole laga pobitro kotha tu hoile Isaiah 61:3 “Tai pora pothaishe Ami ke dilasa dibole tai khan ke jun khan dukh kore Zion te”.