June 29 – BHAROBBARETHI RENU

2 Corinthivalun 7:1 Premevalavo, ye bachan sey apanen chajethi,  Dever dhakethi pavithrema purvena, jeevadaman,  Athmama vojako heryek doshethi apanena pavithar Karla.

Apaner Prabhu Yesu pavithar kajako vathenaj Alphan, shuru karevalon,karthavencha. Vu Prabhu apaner pavithrathan khathar karevalo cha. Yee pavithrathan bharpurethi rakalder bharo vu Prabhu apaner hathemaj denakocha.

Assal yee bharpurethi rero katho kai? Vujako Yesu Christhur nai badlajayeroj. Mathai 5:8 vachanema Thamar Paramero Dev bharobbarethi chaju tham sada barobbar renu Kan kacha. Pavithratha kajako vu siluvar adugu bhage kanethi shuru vacha. Mar papethi dhoran Mar paper ghali ma paschathapa padan pavithrethi ruchu Kan kelevaler papen vu Prabhu vor loyeethi dhonaken pavithar karnacha. Hannu pavithar vegejethaj thamjavanaju ajji vuj pavithrathama aang badan javukarnu. Vorsaruj yek genidhar kacha,  ‘yek Kamen shuru karajethin vona puro kareroj motvath ‘ Kan kemelocha. Kunvatho Prabhur loyeema dhoramelechko voseji daadi vachanen vanchanu, araj karnu, Athmama bharan rethanu, Baper sarik bharobbarethi banchanu.

Yer akharir phal kajako shaswithethin hamesha bancher  jeevanen payeja. Yeej pavithrema banchanu Kan thu kelastho dee Kam karnu lagacha. Voma agediya thu chonaknujako cheejevun jayedla Kan chonaknu.  Deemo asal thu karnujako Kamen Karen shuru karnu. Katho thar matheman jeevadaman dallema avajako  Mando sosevun kannai shudh Karlenu.

Ajji kenukatho dushmaner mathrema chaleniju, papiyur vatema hubreniju,  tatta kareval bhesajetha bhesaniju Dever Dharam sasthrema khushi padtho rathan diyya dhyan karnu.

2 Corinthivalun 6:14-16  vachanema Aposthal Paul Tham aviswasiyuthi jodavomath, niyathethi bananiyathena kai Jodacha? Vajalethi andharethi bananiyathena kai haaso cha? . Christhuthi Beyalena kai dosthipan cha? Aviswasithi viswasina kai ventocha? Dever Devalethi Murathena kai raaji cha? Ma vundema vassan,  vundema phartho,  vunder Dev vena ruchu,vo Mar Jann ven racha Kan Dev kojernai apan jeevrojako Dever Deval vencha Kan hecharika derocha.

Vuncho vanchejako vachanema chaju apan 6 khabarevuthi cheti renu dekacha.  Vundema samaan venijako kaadiman, dharam cheniju reron niyathcheniju rero, andharethin, Beliyalethin aviswasiyuthin vigrahavuthi Kan dekacha. Yek haptha apan yesejithi bhar ayecha katho ajji pavithrema banchesaru yee khabarevuma khyalethi renu.

1. Thu Dever kaadimanen sweekar karnu
2. Thu kachithvagi dharamethin niyathethi renu
3. Vajaler Betar nai thu banchanu.
4. Thu Prabhu Yesuthi sahavasethi renu
5. Viswasivuthi sahavasmethi renu vujji
6. Dever Devalema Athmathin sathethi Deven aradhana karnu.

Aji jada dhyan karen pado 2 Corinthivalun 6 :18 Jana Ma thamena Dai karlena, thamena Bap ven ruchu, tham Manna betibeta ven rochokan soli sathero Prabhu kerocha.