June 27 – PURNATA ATMA TE

Jeremiah 31:25 “kilekoile ami tikshna korishe ekta bhagor laga atma ke, ami eru ekbaar bodli  korishe sob dukh kori thaka atma ke”

Ami khan laga Isor kali nadiye prithibi nahoilebi gau laga labh khan ke, hoilebi diye dorkaar khan ke ami khan atma laga bi. Tai tagot kore atma ke. Aru bodli korishe sob dukh atma khan ke;a ru ane anondo ke mukti te.

Ki labh ase itu manu karone judi tai pai pura prithibi ke aru harai loi tai nijor laga atma ke? Atma tu haazar guna kimti ase itu pura prithibi pora. Aru itu atma hi ase juntu thakibo hodai din akrone; aru thik ase pabole swarg laga rajyo ke. Isor Pormeshwar, jun diye labh khan ke apuni laga gau laga, ji tu bishi bhabna kore apuni laga atma ke.

Atma khan bishi bandhi hoi kene thaka kilekoile paap karone. Paap ase ekta rog karone atma laga. Pobitro kotha te koi, ki ‘mora ase hagira paap laga’, aru ‘atma jun paap kore moribo lage’.

Atma khan juntu morishe paap te anibo lage jibon te. Utu atma khan khushi hobo lage Maujudgi te Isor laga;a ru bhaorta hobo lage achurit gaurav logote. Itu ase wapas anibole mora atma khan ke jibon te, aru dibole tai khan ke anondo mukti laga, ki isor niche ahishe prithibi te Tai laga swarg ghor pora. Pobitro kotha te koi ki, “jitya tai dikhishe biahi ke, Tai bhorta hoishe morom pora tai khan karone, kilekoille tai khan bhagor hoi kene alag alag thakishe, ekta bhera khan nishina jun charwah nai” (Matthew 9:36).

Tai khali morom logote bhorta hoa nahoi, Tai bhabna bi thakishe dibole Nijor ke ekta daan isab te tai khan laga paap kahn nimite; notun koribole tai khan laga atma khan ke; aru dibole tai khan ke anondo mukti laga.a ru Tai dishe ekta dangor kimat Calvary laga kruste. Tai phelaishe Tai laga hekh boondh ke biTai laga khun laga, dhulabole tai khan laga paap kahn ke; Tai bugishe bordasht koribole npaara laga dukh ke. Tai korishe itu khansob ke ki, tate khemai nai paap khan laga iku khun naphelai kene.

Chela Paul  likhe, “Tai tea mi khan mukti ase Tai laga khun dwara, khemai paap khan laga, hisab te dhon khan laga Tai laga anugrah laga” (Ephesians 1:7). “khun Jisu Krista, Tai laga putro sapha kore ami khan ke  sob paap kahn pora” (1 John 1:7). Kiman achurit ase azaad atma  karone, jitya paap khan dhuli jai? Achurit shanty bhorta kore apuni laga atma ke, jitya paap khan dhulai diye.

Pabi achurit anugrah ke khemai laga, juntu Isor diye apuni ke atma te;a ru lobi anondo ke maukti laga. Jitya paap khan khemai pai, itu pora loi jabo apuni ke changai te; bhanagai kene sob shrap khan ke; aru bhorta kori kene apuni laga porivar ke achurit shanty logote.

Aji dhyan koribole laga pobitro kotha tu hoile John 14:27 “Shanti Ami chari ase apuni logote, Ami laga shanty Ami di ase apuni ke; nahoi jinika prithibi diye Ami diye nadiye apuni ke. Hobole nadibi apuni laga monk e duk, nahoilebi itu ke bhoi”.