June 26 – PURNATA POBITROTA TE!

1 Corinthians 7:1 “purna kora pobitrota te bhoi te Pormeshwar laga” Jitya tate ekta himina ase sob karone; hoilebi tate iku himina nai pobitrota te. Itu josh. Barhibole ami khan laga pobitrota te, modot koribo ami khan ke barhi bole pobitrota te.

Kinika apuni purnata hobo pobitrota te? Aji laga podh ke aru ekbaar porhibi. Apuni pabo gurutva diya itu hobdo ‘bhoi te Pormeshwar laga’ te. Itu khali bhoi hi ase Pormeshwar laga juntu loi jai ami khan ke unchain te pobitrota te, roop te Pormeshwar laga.

Tai jun bhoi kore, hati jabo nijor hi lobh khan pora; polai jabo paap khan pora; aru savdhaan hoi jabo bachabole nijor ke. Hoilebi ekta manu jun bhoi nakore Pormeshwar ke, koribo jani thaka paap khan ke. Tate iku bhoi nai Pormeshwar laga suku te biya khan laga (Psalm36:1)

Sabi jibon ke Joseph laga. Rahasya joseph laga juntu bachai she tai ke, ase kilekoile tai laga bhoi pora Pormeshwar laga. Jitya tate porikha thakishe tai laga jibon te, tai koranai paap ke manu laga agete; hoilebi ekta biya kaam Pormeshwar laga agete. Tai mangishe, “kinika ami koribo paribo itu dangor biya kaam ke,a ru paap koribo Pormeshwar laga khilaf te?” (Genesis 39:9)

Bhoi Pormeshwar laga aase poilai jaa iku paap pora suku te Pormeshwar laga. Jitya apuni thani loi rakhibole apuni laga pobitrota ke bhoi te Pormeshwar laga, tini hoile Pormeshwar porahosabi modot koribo apui ke aru apuni ke bachabo sob paap laga porikha khan pora. Apuni thakibo lage bhoi pormeshwar laga aru josh rakhibole apuni laga pobitrota ke. Titya Pormeshwar pora dhulai dibo apuni ke Tai laga khun te, sapha koribo apuni ke Tai laga kotha khan logote,a ru dhakabo apuni ke Tai laga pobitro Atma logote.

Sabi Daniel ke. Tai ke bandhi bonai ke loi naja agote Babylon  te – ama biya kaam laga koi, tai mani loishe tai laga mon te purnata te thakibole pobitrota te. Tai bhabna kori loishe tai laga mon te moila nakoribole  nijor ke itu bhag  lobo diya nai te raga laga barakhana nahoilebi  dag ras te. Isor pora sonman korishe inika bhabna te. Itu karone tai laga chehra ulaishe bhal sobse jawan manu khan majete jun khaishe raja laga barakhana te. Tai dishe  dos guna bishi gyan ke aru buja ke Daniel ke, tulna korishe koile sob jadugar aru bhavishwani kora khan majate raja laga. Jitya apuni bi bhabna kore uddesh te apuni laga mon te loi jabole ekta  pobitro jibon ke, Isor pora hosa bi apuni ke modot koribo.

Jitya a puni diye nijor ke pobitrota te, apuni pabo anondo aha tea mi khan Isor laga. Apuni bachai kene rakhibo pobitrota ke, ekta khula mon pora aru lok pabo isor ke haw ate. Isor laga bacha khan, jinika isor purnata ase pobitrota te, apuni bi tayar koribo lage nijor ke purn pobitrota te.

Aji dhyan koribole laga pobitro kotha tu hoile Matthew 24:44 “itu karone tayar thakibi, kilekoile Putro Manu laga ahi ase ek ghari te jitya apuni akha nore”,