June 25 – Satid Samoihan Batte Abhadabte!

“Iten asan gamlenden butente apsele do butente batte kudduban daku, yante gamle Anin aninji a ranabtaban abanjeng Maran a d’ong satid samoihan batte abhadabte, kunate Anin apsele roitad na daku” (Ebri 2:10).

Kan ambrij Anin jzbjzble, angante kuddubanji. Kinaniban arungan deleji barij a danukkanji saagaile. Kun asurdaa suyeman asan aninji m’oihdaleji. Amben janang butente butente danukka-lingan dakuji a d’onganji babyebaji, Kitungan sayamle. Ayengan a mandra banagge maranji a d’ong sintate. Anin man’oihdam; anin a kanalkal ayam lingan. Amben agalamtepo yangam danukkan mandran amandrengn abs’ite. Barij banabyen a Kitungan na” (Mattiu 16:21).

Aninna sattang badrijte asuyeman do a tanurdun batte, Bindo a karidadong kan abmele bo bardika sattang ayam abmele. Kitungan kuddub kanalkalanji sabgaile d’ongben babyete. Gamangtungan anin a d’ong rabrabte, Bibolan gamte: “Mandran a j’e lingan kanuddin anin a d’ong ablaginte. J’e-ben babyete, do danukkaben abkaridate (Mattiu 16:22-23)

Dile ayam kinolba, kuddub danukaben sagaite, Do man’oihan barijloge ahangte, Satid samoih-hen ayam lingan kanin na banabye-hen. Anosaai-Nam d’ong-hen abadlzngtih. Bakurdi gonta dingtaben kuddub bibolan atabkudben abmele. Aten asan, bogad Amben bo gonta abmele a kinollenden. Pedde amben tabkudle arabtite bakurdi-dinna-lingan!

Orde bokurdi dinna, bogad amben a kinollenden bagu-gonta dile dinna-lingan (2 Timoti 3:12). Amben bo tagor bibolan a kinol asusulenden. Barij danukkan batte unji soa mihnum saring ateng misor lingan a dakulenanji ate. Monaben babyete (Pillipi 1:29). babyele bartabmete janggardadage a amndrengna. Iten asan gamlenden aparamangtan dajing bernan anidan dele. Angante amben akinolte Kitungan abernan barokij barokij!

Dijte – bernan anion a hanangan asan anidan dele, ‘yante ‘- gamle anidolberan a uywb-sanayen do banabyen. Batte anien danerderan rapti hangtabe, Kan batte amben surda banabyen ahangte, Aten asan Anappai Pol man’oihan batte aadhimle. Iten asan gamlenden Dirna-nam rabrable d’ong-nam, Birindabenji pedde asangemtabenji. Orde aboi saring aboi kanalkal-lingan dakutaben mandrengna-lingben. Anin bigardaji a d’ong janang babyele (Mattiu 5:4, 10-11).

Iten asan gamlenden kuddub kanalkal-ling-len Amn babyetalen. Yante gamle itente a hanabyen Kitungan batte anlen banabyen detabe. Kitungan banabye Kitungan, kun batte dile kanalkal lingan a deten a mandranji a d’ong anlen rapti abbabyetabe. Aninna sanayaman do Anina banabye. Banabyen’ gamlenden sanabyun do ranabdun pangtai. Kitungan d’onglen tiylai sanabyun, lanabyun banabyen (Jon 15:18-20). Tanahimdam Kitungan a onagji, kunina a Jisun Kristun d’onglen babyete do sanabyun tiylangten. Bindo bangsaberan anin a d’ong abm’oihte

Okiy Kinolbe absele: “Kani a bernan dernadage nn, iten asan gamlenden bogad Anin ampara anlen am’ukkun kahidlabenden, Anin ampara janang anrukkun m‘engtabe. Bogad anlen uywb-sayelabenden, anrukku janang anlen rajagodtabe. Bogad anlen Anin a d’ong sosolanglabenden Anin janang d’ong len sosolangten.” (2 Timoti 2:11-12).