June 22 – HATH KAHN JUNTU ASHIRBAAD KORE!

Luke 24:50 “aru Tai loi jaishe tai khan ke dur Bethany pora, aru Tai uthaishe upor Tai laga hath kahn ke aru ashirbaad korishe tai kahn ke”.

Pura Tai laga jibon te itu prithibi te, Tai ekta ashirbaad thakishe dusra khan ke.. tai laga hath khan juntu bhal kori thakishe, ase dangor ashirbaad ami khan ke. Tai mate chutu bacha khan ke Nijor te, rakhe Tai lagahath khan ke tai khan uporte arua shirbaad kore tai khan ke. Hosabi, Tai lag hath khan ase hath khan juntu ashirbad kore.

Itu homoi thakishe Tai karone loi jabole sawrg te. Aru Tai morom pora loi jaishe Tai laga chela kan ke Bethany te – juntu char mile dur thakishe Jerusalem pora. Juntu homoi bitaishe safar te berai kene Tai logote, anishe dangor ahram chela khan ke.

Kilekoile itu homoi thakishe tai karone jabole swarg te, tai khan laga mon khan bishi khushi hoishe ; aru tai khan laga suku khan thakishe kandi kene. Khali titya tai khan bujishe mahanta ke Tai laga maujudgi laga tai khan majete; dangor shanty  tai khan thakishe tai te; aru sahas tai khan thakishe jitya Tai thakishe tai khan logote.

Badal khan jama hoishe iki logote loi jabole  Isor ke swarg te. Hoilebi Isor khara thakishe tai khan majete. Tai laga moromial hath uthishe upor tai kha agete. Chela khan utsuk hoi kene saishe utu hath khan te. Pobitro kotha te koi, “aru Tai uthaishe Tai laga hath khan ke aru ashirbaad korishe tai kahn ke” (Luke24:50).

Tai khara thakishe tate, nirantar ashish korishe Tai laga chela khan ke,a ru ami khan najane kiman deri tok. Swarg khan utsukta pora sai thakishe Tai laga vijayi pravesh karone; inika hi Baba Pormeshwar bi rukhi thakishe Tai laga matro ekta Lora nimite. Sob duth khan swarg te thakishe pare akha kori kene aru josh te lok koribole tai kha laga Isor ke. Hoilebi isor khara korishe tate, nirantar ashish kori kene Tai laga chela khan ke.

Aji bi, hath khan Isor laga agh barhai ase apuni phine, ashish koribole apuni ke. Achurit morom, anugrah, daya, ase dhali kene tai laga hath pora, apuni te. Tai ashirbaad di ase apuni ke swarg pora. Tai dhalishe Tai laga Pobitro Atma ke,a ru bhorta korishe apuni ke atmakarik uphar khan logote.

Ashirbaad khan Isor laga ase hodai din karone; aru thakibo hodai din karone. Khemai paap khan laga, mukti aru achurit anondo aru achurit shanty ase hodai din laga ashirbaad Isor laga.

Isor laga bacha khan, jitya apuni ashishit hoi hath khan pora Isor laga, apuni laga dushman khan usor ahibo napare apuni laga. Aru apuni thakibo thik sampurn ashirbaad.

Aji dhyan koribole laga pobitro kotha tu hile Proverbs 10:22 “ashirbaad isor laga bonai ekjon ke dhon, aru tai na milai iku dukh itu te”.