June 22 – ASHISH KAREVALO HATH

Luka 24:50 Pacha Vu Bethaniyathi vundena balalejan , Vor hathena vuncho padan vundena Ashish kido.

Kathra kaikathoi Prabhu Yesuro hath yee dharthipar chajako sejini ajji aapanen sada hamesha bhalayi karan Ashis karevalo cha.

Vu Prabhu vupadgojayer vagath aayijana chelavun Yerushalemethi 4 mile chajako Bethaniya kan premethi balalego. Vo chelavun Prabhuthi bhalan chalejana ghano himmath malgithi.

Prabhu vupadgojayer vagath aayijana chelavun dallema khamer hathayenijathra dukhathi ankir hasuthi bharage. Prabhu vunder vacha vethojethi vor prasannathama vundera dall moto shanthithi bharagi. Vu Prabhu vunder sath rajethi vo dheerethi vethe.

Prabhu vupadjavatho lejayen vajalevo siddhavagi vethe. Vunder vacha hubojako Prabhur premer hather Sam dekthey chelavo kanna vupadjavacko deken ghasan dekrethey. Jethi Luka 24:50 Pacha Vu Bethaniyathi vundena balalejan , Vor hathena vuncho padan vundena Ashish kido kan dekacha.

Prabhu chelavun ashish kartho votha kathra vagath vethoko malam cheni.

Asman tho jayamethi arojako Prabhu kanna vupadan aayekanan Bap Dev Mar yeklo Beta kanna Mar dai aayekan ghasan yeduru dekthey vethey kaiko. Sojavo tho hamar Prabhu kanna hamar vacha aavatho aradhana Kara kan dekrethey kaiko. Lapan Prabhu vatho chelavun ashish karen vothaj vagath kadrotho.

Aajvathoi Vu Prabhur hath thona ashish karnu kan thar Sam laambo karlen dekaricha. Dever Preethin,krupan, dayana, kanikaramena ye sejini thar vumpar vundayen vu Prabhur hathema rakdmelocha.

Vu Prabhu thona asmanemathi ashis karrocha. Pavithar Athman sada thar vumpar vundan thona Athmar varalethi bharrocha.

Prabhu devajako ashish hameshan kannai haal veniju Racha. Papethi maap malero, Vimochan payejana Dev dinojako shanthi samadhan vo shaswithvagi rejavacha.

Aji Jada dyan karen pado Gener vath 10:22 Yehovar Ashis saavukar karacha, Vor sath badaana bheleni.