June 21 – HATH KHAN JUNTU SAPHA KORE!

John 2:15-16 “jitya Tai bonai loishe chabukk rosi laga, Tai loi jaishe sob ke bahar te mondir laga, bhera aru goru khan logote, aru dhalishe sikka poisa khan aru ultai dishe table khan ke. Aru Tai koishe tai khanke jun khan bikai kopu khan ke, “Loi jaibi itu saman khan ke! Nabonabi Ami Baba laga ghorke ekta ghor vyapaar laga!”

Ami khan khali bhabna koribo nalage Isor laga hath khan ke ekta moromial aru dayavaan hath. Utu iki hath lobo ekta chabukk ke, jitya Tai dikhibo ahankaar laga paap khan ke. Tai laga hath khan bi hath hobo sazai laga; aru anushashan kora laga. Itu iki hath thakishe juntu sapha korishe mondirke Isor laga utu din te

Pobitro kotha te, ami khan porhe duita ghatna ke jitya  Isor sapha korishe POrmeshwar alaga mondirke. Tai sapha korishe poila paar hoi jua utsav te, jitya Tai jaishe prachar koribole mondirte Jerusalem laga. Aru dusra  ghatna thakishe hekh Paarhoi jua utsva te. (John2:13, Mark 11:15, Matthew 21:12-13, Luke 19:45-46).

Duita stithi te bi Tai ulataishe table kan ke poisa bodli kora ke; phelai dishe tai khan laga poisa ke; aru ultai dishe tai khan laga boha jaga khan ke. Chabukk Tai laga hath laga ghuraishe aru khediashe tai khan sob ke, jun khan bodli korishe mondir ke ekta vyapaar laga jagate. Itu pora khedaishe bahar sob bhera, goru aru kopu khan ke bi.

Isor thakishe bishi utsahi Pormeshwar laga mondir karone. Tai itu khan bordasht koribole paranai ki mondir bonishe ghor vyapaar laga nahoilebi gufa chor khan laga.  Hoi, Tai icha kore pobitrota Tai laga mondir te. Tai laga mondir hobo lage ekta ghor prathana laga aru vyapaar laga nahoi. Pobitro kotha te hudi ase ami khan ke jor pora, “ki apuni najane ki apuni ase mondir Pormeshwar laga aru utu Atma Pormeshwar laga thake apuni ke?” (1 Corinthains 3:16).

Hobole nadibi kityabi apuni laga gau ke moila aru nabonabi iu ke gufa chor laga. Nadibi kitya bi jaga paap rishta kahn nimite, galat kisim laga morom ke aru lobh gau laga raj koribole apuni ke. Kilekoile apuni ase mondir Pormeshwar laga, Tai icha kore apuni ke pobitro aru Tai utsahi ase aitu uporte.

Isor koi ekta taan chetavni logote: “judi kunuba moila kore mondir ke Pormeshwar laga, Pormeshwar biya kori dibo taike. Kilekoile mondir Pormeshwar laga ase pobitro, juntu mondir apuni ase” (1 Corinthians 3:17). Judi apuni laga mondir moila ase, tini hoile Isor pora lobo ekta chabukk, kilekoile Tai ke ase hath khan jun tu anushashan kore.

Isor laga bacha khan, judibi jitya Isor loi ekta chabukk ke, tate pora ekta labh ase. Kilekoile apuni laga mon – Mondir ase juntu sapha hobo; aru apuni laga jibon rupantar hobo. Utu pora, pobitrota juntu Isor icha kore anibo apuni te, aru Tai thakibo khushbi pora apuni te.

Aji dhyan koribole laga pobitro kotha tu hoile Hebrews 12:5 “ami laga lora, naphelabi sai thaka Isor laga, nahoilebi nirasha nahobi jitya apuni ke gale Tai pora”.