June 20 – HATH KHAN JUNTU LOI JAI BHOI!

Matthew 17:2,6-7 “aru Tai ke rupantar korishe agete tai khan laga. Chela khan girishe tai khan laga chehra te aru bishi bhoi korishe. Hoilebi Jisu ahishe aru chuishe tai khan ke aru koishe, “uthii, aru nohobi bhoi”

Ekbaar Isor Jisu loishe Peter  ke, James aru John Tai laga bhai ke, loi jaishe tai khanke uncha paharte nijor pora hi; aru tai rupantar korishe tai kahna agete. Ami khan porhe pobitro kotha te ki Tai laga chehra chamkishe suraj nishina, aru Tai laga kapra khan bonishe boga puhor nishina. (MATTHEW 17:1-2)

Chela khan dikhishe utu rupantar ke Phahar te. Moses aru Elijah ulaishe tai khan agete; aru ekta ujala badal dhakaishe tai khanke upor pora. Chela khan bishi bhoi korishe aru girishe tai khan laga chahra te. Hoilebi morom hath khan Jisu laga chuishe chela khan ke, jun khan bhoi korishe,a ru tai koishe, “Uthibi,a ru nohobi bhoi.”

Hosabi, hath khan Isor Jisu laga, ase achurit dawai hatabole bhoi ke. Jitya Tai chui apuni ke Tai laga hath khan logote, sob apuni laga bhoi khan uri jabo apuni pora. Tai laga hath khan dibo apuni ke shakti aru tagot koribo apuni ke.

Purana Niom te, jitya Daniel bhoi korishe aru iku tagot nathaki kene, duth Isor laga chuishe tai ke tai laga hath logote,a ru tagot korishe Daniel ke. Pobitro Kotha te koishe, “itya, jitya tai kotha kori thakishe ami logote, Ami thakishe gehra neendh tea mi laga chehra mati phine hoi kene; hoilebi tai chuishe ami ke,a ru khara koraishe ami ke sidha” (Daniel 8:18). Hoilebi hath ami khan Isor laga dangor ase aru togotwar utu duth laga hath pora bi.

Jitya chela khan bondh kori loishe nijor ke utu karma te, Isor ulaishe tai khan agete aru tagot korishe tai khan ke dikhai kene Tai laga hath aru theng khan ke. Aru rupantar hua laga pahar te, tai chuishe tai kahn ke hath khan pora aru koishe tai khan ke bhoi nohobole.

Ami khan itu bi porhe dusra ekta paristhiti ke Kitab te revelation laga. Chela John, jitya tai thakishe atma te, tai dikhishe achurit roop Isor Jisu laga. Tai thakishe Tai laga dahina hath te satta tara.a ru Tai laga mukh pora ulaishe dui phine dhar thaka tarwal,a ru Tai dikhibole ekta suraj jiliki thaka nijor tagot te. Jitya chela John itu koishe drishti ke, tai koi: “aru jitya ami dikhishe Tai ke, ami girishe Tai laga theng te mora nishina. Hoimlebi tai rakhishe Tai laga dahina hath ami uporte, koi kene ami ke inika, “Nohobi bhoi; Ami ase shuru aru hekh. Ami tai ase jun jiayai, aru morishile, aru thakibi, Ami jiyai ase hodai din karone. AMEN” (revelation 1:17-18).

Isor laga bacha khan, Isor utsuk ase azaad koribole apuni ke apuni laga sob rog aru bimar pora aru apuni laga dukh khan pora. Utu iki hath jutu barhaishe Tai laga chela khan ke utu din te, ase barhai kene  apuni phine aji- hatabole sob apuni laga bhoi khan ke; aru tagot koribole apuni ke. Tan pora dhuri thakibi utu hath ke, biswas te.

Aji dhyan koribole laga pobitro kotha tu hoile 2 timothy 1:7 “kintu Isor pora diyanai ami khan ke atma bhoi laga, hoilebi shakti aru morom laga aru bhal mon laga”.