June 18 – Mandrengna a Tiyte a S’i!

“Bar Gamangtungan juarboijan a d’ong gijan gijle anin apsele tanimyim suyeman dele, do anin a d’ong gameten, Edadongne. Bar Anin adam adam iyan iyle parangmardu-jalan jabeten…. Kahid maran dzlen gobeten, do bernan a opungben uneten” (Luk 7:13-15).

Kitungan a bernan batte mandrengna hangle. Kitungan Israelanji amangban gijgijle, Bar Jisun gamle a d’ongan, “Pintu-namji tanamadan dele, Do Anin sibdaiberlen amangbanji.

Bar d’ong-ben Misor a kanal kalan saring rabraban rabrable Kananiyanji.Ittinji Emoranji, Prij-inji, Ibbinji do Jibusanji a desaban manan, ardub adangda tarunggal desaban urungte. Gamle Hen gab-rij’elenai,

Kan ambrij Anin jzbjzble, angante kuddubanji. Kinaniban arungan deleji barij a danukkanji saagaile. Kun asurdaa suyeman asan aninji m’oihdaleji. Amben janang butente butente danukka-lingan dakuji a d’onganji babyebaji, Kitungan sayamle.

Ayengan a mandra banagge maranji a d’ong sintate, Anin man’oihdam; anin a kanalkal ayam lingan. Amben agalamtepo yangam danukkan mandran amandrengn abs’ite. Barij banabyen a Kitungan na”. Aninna sattang badrijte asuyeman do a tanurdun batte.

Bindo a karidadong kan abmele bo bardika sattang ayam abmele. Kitungan kuddub kanalkalanji sabgaile d’ongben babyete. Gamangtungan anin a d’ong rabrabte (Mark 5:41-42). Bibolan gamte: “Mandran a j’e lingan kanuddin anin a d’ong ablaginte. J’e-ben babyete, do danukkaben abkaridate. Dile ayam kinolba, kuddub danukaben sagaite, Do man’oihan barijloge ahangte” (Luk 7:14-15).

Satid samoih-hen ayam lingan kanin na banabye-hen. Anosaai-Nam d’ong-hen abadlzngtih. Bakurdi gonta dingtaben kuddub bibolan atabkudben abmele. Aten asan, bogad Amben bo gonta abmele a kinollenden. Pedde amben tabkudle arabtite bakurdi-dinna-lingan. Orde bokurdi dinna, bogad amben a kinollenden bagu-gonta dile dinna-lingan. Amben bo tagor bibolan a kinol asusulenden.

Barij danukkan batte unji soa mihnum saring ateng misor lingan a dakulenanji ate. Monaben babyete, babyele bartabmete janggardadage a amndrengna. Iten asan gamlenden aparamangtan dajing bernan anidan dele. Angante amben akinolte Kitungan abernan barokij barokij.

Dijte – bernan anion a hanangan asan anidan dele, ‘yante ‘- gamle anidolberan a uywb-sanayen do banabyen. Batte anien danerderan rapti hangtabe” (Anappai 16:31).

Tanahimdam Kitungan a onagji, kunina a Jisun Kristun d’onglen babyete do sanabyun tiylangten. Bindo bangsaberan anin a d’ong abm’oihte. Daudo, a d’ong Kitungan batte dile ayam banabyen dele. Ateng enegoinan ate amben agalamte. Barij bibolan kinolle atiyj’e-naben dete.

Okiy Kinolbe absele: “GAMANGtungan amangban bo tabme kanenkenan kenba, iten asan gamlenden Anin rubmangdaman a baran lumeten. Tabtoninė Anindaman a jandrumsin batte do a marid kumbulsin batte Anin apsele dainan abme-eten” (Sanenken 98:1).