June 18 – HATH KHAN JUNTU DIYE JIBON!

Luke 7:13-15 “jitya Isor saishe tai ke, Tai morom lagishe tai ke aru koishe, “nakandibi”. Titya Tai ahishe aru chuishe khula tabut.. aru Isor koishe, Ami apuni ke koi ase khara koribi, toh tai jun morishe uthi bohishe aru kobole shuru korishe”.

Hath khan ami khan Isor Jisu laga moromial ase; aru dayavan ase. Tai khan kore achurit ke; aru tai khan diye jibon. Ami khan porhe itu podh te, mora manu laga wapas jibon te aha, Tai laga chua pora hi. Utu din khan te, manu khan icha kore chubole Isor Jisu pora. Tai khan bishi kuchis kore Tai ke chubole. Sob jun jun khan ke chuishe Isor pora paishe achurit tai khan laga jibon te.

Ami khan porhe PObitro kotha te, tagot achurit khan ke pa laga tai khan pora jun khan ke chuishe isor Jisu pora. Ekta maiki jun thakishe khun jaikene baroh saal nimite, chuishe kona ke Tai laga kapra laga aru paishe bhal swasth, khali chui kene tai laga hath logote.

Jitya tai loishe suwali ke jairus laga hath pora aru koishe tai ke, “Talitha, cumi,” ji laga motlob ase, “chutu suwali, Ami koi ase apuni ke, uthibi.” Joldhi utu suwali uthishe aru beraishe” (Mark 5:41-42). Jitya gau ekta vidvaah laga lora Nain te, loi jai thakishe puti bole nimite, Tai chuishe tabut ke aru koishe, “jawan lora, Ami apuni ke koi ase , uthibi”. Toh tai jun morishe uthishe aru shuru korishe kobole” (Luke 7:14-15).

Ajibi, Tai chui ase apuni ke aru apuni laga jibon ke. Ki apuni ase mora nishina apuni laga paap kan te aru golti khan te? Ki apuni dur hoishe Isor pora apuni laga biya rasta te? Prathana koribi ki apuni ke bi chubo isor pora aru ki apuni ahibo Tai laga gauravmay puhor te?isor hosabi chubo apuni ke aru dibo apuni ke jibon. Tini apuni hosabi pabo anondo mukti laga.

Ekta porivaar te, judi ekta manu bi bachishe aru dusra khan bachibole ase, , itu bishi dukh laga koth ase. Hoilebi jitya apuni prathna kore Isor ke tai khan laga jibon nimite chubole Isor laga morom pora, Isor pora chubo tai khan ke; dibo tai khan ke jibon; aru anibo tai khan ke tai laga rasta te.

Pobitro kotha te koi, “biswas koribi Isor Jisu Krista ke, aru apuni bachibo, apuni aru apuni laga ghor bi” (Acts 16:13).

Isor laga bacha khan, likhibi naam khan sob jon laga jun khan bachibole ase apuni laga jibon te, rakhibi itu ke apuni laga bible te aru prathana koribi hodai apuni porha homoi te aru bhabn koribi kotha te Isor laga. biswa te, dibi apuni laga dhonyabaad, kilekoile Tai laga gaurav hi bachai ase tai khan ke. Tai laga hath khan khata nahoi, ki Tai bachabo naparibole.

Aji dhyan koribole laga pobitro kotha tu hoile Psalm 98:1 “oh, gabi Isor ke ekta notun gana! Kilekoile Tai korishe achurit kaam khan; Tai laga dahina hath khan aru Tai laga pobitro hath paishe Tai ke jit”.