June 15 – HATH KHAN JUNTU AAKAR DIYE!

Jeremiah 18:6 “Sbi, jinika mati ase kumar laga hath te, toh inika hi ase apuni ami laga hath te, O ghor Israel laga!”

Hath khan Isor laga nirmaan korishe apuni ke; Tai hi ase kumar bi; aru apuni ase mati Tai laga hath khan te. Jinika ekta kumar, Tai aakar diye apuni ke ekta borton nishina tai laga kaam nimite.

Nirmaan kora laga homoi te, isor bonaishe manu ke mati pora niche laga, Tai nijor laga hath khan pora, tai laga nijor roop te, aru saans dishe tai laga naak te saans jibon laga;a ru manu bonishe ekta jiya thaka gau.

Isor nirmaan korishe sob dikha saman khan aru nadikha samaan khan itu shrishti laga, khali koi kene ‘hobole dibi’. Hoilebi jitya ekta manu ke nirmaan koribole lagishe, tai bonaishe tai ke nijor laga hath khan pora. Khali manu ke, Tai dishe Tai laga nijor roop aru aakar. Kiman bi achurit bisheshadhikar ase ekta manu karone!

Hoilebi golti khan manu laga bondh kori dishe utu bisheshadhikaar laga jibon ke. Jinika ekta borton ke bhangai chakka te kumar laga, manu laga jibon bi inika hi biya korishe; paap, shrap aru mora pora dhurishe taike. Sob tai laga adhikaar ke loi lishe satan pora.

Itu ke thik koribole aru ghurabole adhikaar ke manu ke, Isor pora agh barhaishe tai laga hath ke. Aru daan dishe Nijor ke ekta paap-daan nishina. Tai  icha korishe bonabole manu ke Tai laga gojal pora chenda kora hath logote krus te. Kiman bi hnorta anugrah Isor laga ase bonabole aru aakar dibole borton ke arubi calvary te – itu iki borton juntu ke bondh kori disheile aru bhangai dishile eden te?

Ekta prithibi laga kumar dhalibo pani ke mati te aru aakar dibo tai laga chakka te. Hoilebi ami khan laga Isor hodai din laga Kumar, bonanai ami khan ke pani pora hoilebi khun pora juntu girishe tai laga hath khan pora. Tai dhale khun ami khan te aru bonai ami khan ke notun borton – boron anugrah laga; borton sonmaan laga; aru borton gaurav laga.

Jitya David paap korishe,tai bonishe ekta bhanga borton nishina. Hoilebi jitya tai kandishe Isor ke,a ru swikaar korishe tai laga paap khan ke Maujudgi te Isor laga, Isor khara koraishe tai ke aru ekbaar aru bonaishe tai ke ekta notun borton te sonman laga. Naomi jaishe Moab te, aru bonishe ekta bhanga borton nishina. Hoilebi jitya tai ghurishe Bethlehem te, Isor bonaishe tai ke ekta notun borton sonman laga.

Job, junke porikha loishe satan pora, thakishe ekta bhanga borton. Hoilebi hath Isor laga bodli korishe, aru dui guna ashirbaad korishe tai ke jag ate tai laga luksaan laga aru bonaishe tai laga jibon notun. Isor laga bacha khan, ki apuni bi ase ekta bhanga borton nishina? Isor pora bonabo apuni ke dubara ekta notun nirmaan te aru khara koribo apuni ke. Apuni pabo sob juntu apuni haraishe, duiguna te.

Aji dhyan koribole laga pobitro kotha tu hoile Romans 9:23 “aru ki Tai janibole dibo dhon khan Tai laga gaurav laga borton khan te daya laga, juntu Tai bonaishe agete gaurav laga”.