June 13 – VARUKARERO HATH

Mathai 8:3 Yesu vor hathena laambo karan vona cheepan manna khatharaj shudh vakan ko jannaj vor kusta rogethi shudh vego.

Kenukatho aaj saha varu karero Prabhu Yesuro hath tharvasu laambo karlen dekrocha. Vor hathema Achanakethi rogdokkena varu vejavacha. Vor hathethi cheepan varuvenikajako vathaj cheni.

Aaj thar rogdokkena dekan thakjarochika? Mar katmalema kassen ma sammorethi chalayer butha veri koni kan vela karrochika? Kunik thar vyarivo that virodhvagi mando sos karan dee vodi karnu kelerechakaiko? Ajji thu velabhaveti karan yee rogdokkemathi ma bhar kuavanu kan badha padarochika? Atho thu Kai dhak padan ghabra math. Gachab thu moto Chajako Prabhu Yesuro varu karero hather Sam dekastho dhera thu himmath palechi.

Kannavatho vu kusta rogevalepar hath meloko Jana vu vor roger vagey dhakaj padokoni. Assal Vu vona amelijako roger swabhavana ajji vor ashudhathanaj pattichlinokoni. Yesu karunathi vor hathena laambo karan kust rogevalena cheepan manna khatharaj shudh vakan ko jannaj vor kusta rogethi shudh vego kan dekacha. Dever vachanema Prabhu kidojako acham kalar kamen dhyan karan Prabhun dhanyawad kenu. Hanuj Mathai 8:14-15 vachanema dekacha Pethrur saasu thaavethi vela karritho Yesuro hathethi vu saasur hathen jhallen varu karnako vu yadi jannaj vutan seva kidicha kan vanchacha.

Mathai 20:34 vachanema Dee aando manna dayakaran Nazar da Prabhu kan Barkayojetho Yesuro dall vutharan vundera ankina cheempo jannaj vo nanjaren lelen Prabhur laar gekan vanchacha. Prabhu hath laambo karan kaanena, tuntena varu karnako.

Luka 13:10-13 Yesu Sabbath dad Yek Devalema bodha karrotho jana attar varser vela padayer bhuth laagrijako yek beer votha ra, vu thodsek thoi sudho hubrer venijako guni ven ra. Yesu vona dekan vor dai balan- yaadi thar dokketho varu vegi kan vor vumpar hath melojanaj vu sudho hubaran Devena mahima kidi kan dekacha.

Lakkamelejako Haach khabarevuma acham kalar kamevuthin swasthathavuthij bharan cha. Katho Yesu vor hathen laambo karan varu kido kana, cheempo kana, ditto kana vanchacha.

Mar premevalavo Aaj vuj varu karero Prabhu Yesuro hath thar saam laambo karlen yeduru dekrocha,thu sada vu kust rogevaler nai athanu Daya dakales Prabhu kan araj karastho thoni varu Karan madath karevalo cha kan kannai bhulesmath.

Aji Jada dyan karen pado Yeshaya 53:5