June 13 – HATH KHAN JUNTU CHANGAI KORE!

Matthew 8:3 “titya Jisu ulaishe Tai laga hath ke aru chui kene koishe, “Ami icha kori ase; hobi sapha.” Achanak tai laga kusht rog hoishe sapha”.

Aji bi hath Isor laga barhai ken ease apuni phine, changai koribole apuni ke. Tai laga hath koribo pare sob achurit khan ke aru tate iku nai juntu mushkil ase Tai laga hath ke koribole nimite.

Ki apuni bi gussa hoi ase apuni laga bimar logote? Ki apuni bi koribole napara hoi ase apuni laga zimedaari khan apuni laga porivaar laga? Ki biya manu khan uthi ase  khilaf te apuni laga, tai khan laga biya chal loi kene aru jaadu khan loi kene? Ki apuni bi bimar nahate; rog khan aru napungcha khan; bhoi nakoribi. Khali sabi tagot hath ke isor Jisu laga.

Jitya Isor Jisu ulaishe Tai laga hath ke aru changai korishe ekta kusht rogi ke, Tai bhoi koranai utu rog pora. Tai kitya bi bhabna koranai utu bimar lagi jabo pare koi kene aru Tai ke bi moila koribo  koi kene. Tai morom thakishe utu manu uporte; ulaishe Tai laga hath ke; aru chuishe tai ke. Aru joldh hi utu manu hoishe sapha tai laga kusht rog pora. Itu nishina hi, sob apuni laga moila khan; apuni laga paap khan aru apuni laga shrap khan apuni ke chari  dibo, ekta chua pora hi Isor Jisu Krista laga.

Poribi Pobitro Kotha ke; aru dhonyabaad koribi Isor ke sob achurit changai khan karone juntu korishe Isor pora. Jittya Jisu ahishe ghor te Peter laga, Tai dikhishe Peter laga saasu maa ke giri thaka bukhar pora bisna te. Toh Tai chuishe tai laga  hath ke, aru bukhar chari dishe tai ke.a ru tai uthishe aru seva korishe tai khan ke (Matthew 8:14-15).

Duita andha manu kandishe Jisu ke thakibole daya tai khan uporte. “Toh jisu thakishe morom aru chuishe tai khan laga suku ke.a ru joldh hi tai khan laga suku khulishe aru tai khan dukhibole parishe aru tai khan piche hoishe Tai laga” (Matthew 20:34). Behra laga kaan khushe; aru gunga kotha koishe, kilekoile Tai laga chua pora ekla.

“Tai sikhai thakishe ekta samajgriha te Sabbath laga din te. Aru thakibi, tate ekta maiki thakishe jun thakishe atma komjur kora laga ahthara saal nimite, aru tai jhuki thakishe aru nijor ke khara koribo napare. Hoilebi jitya Jisu dikhishe taike, Tai matishe Tai usorte aru koishe taike, “maiki, apuni ke charai di ase apuni laga durbaalta pora.” Aru Tai rakhishe Tai laga hath ke tai uporte,a ru joldh hi tai sidha hoishe,a ru mahima korishe Isor ke”. (Luke 13:10-13).

Sob sumachar khan bhorta ase changai kora laga achurit khan logote ki ami khan laga Isor koribo pare Tai laga hath khan logote. Ami khan porhe pobitro kotha te ki Tai laga hath khan logote Tai chuishe; tai uthaishe, Tai dhurishe; aru changai korishe. Utu eki moromial hath khan barhai ase apuni phine aji bi, changai koribole apuni ke; aru ahram dibole apuni ke.

Isor laga bacha khan, isor ase morom apuni karone aru agh barhai ase Tai laga hath khan apuni karone ajibi. Tai laga morom dangor ase apuni laga ama laga morom porabi. Jinika ekta baba ase morom tai laga bacha khan nimite, Tai barhai Tai laga hath khan koribole achurit khan ke apuni karone aru changai koribole apuni ke. Ki apuni koribo lage koile: ase sabole Tai laga jokhmi hath ke,a ru ghau khan ke. Tai laga daagi khan pora apuni pai changai.

Aji dhyan koribole laga pobitro kotha tu hoile Isaiah  53:5 “hoilebi Tai ke jokhmi korishe ami khan laga golti khan nimite, Tai ke phulai dishe ami khan laga napungcha khan nimite; bharpai ami khan laga shanti nimite thakishe Tai uporte, aru tai laga daagi khan jugedi ami khan chnagai ase”.