June 12 – HATH BISWAS LAGA!

John 20:27-29 “titya Tai koishe Thomas ke, “pungchibi apuni laga ungli yate, aru sabi Ami laga hath khan ke; pungchibi apuni laga hath yate, aru rakhibi Ami laga phine. Nahobi ahbiswasi, hoilebi biswasi.” Aru Thomas jawab dishe aru koishe Tai ke, “Ami laga Isor aru Ami laga Pormeshwar!” Jisu koishe taike, “Thomas, kilekoile apuni dikhishe Ami ke, apuni biswas korishe. Ashirbaad ase tai khan ke jun khan dikhanai aru hoilebi bisws kore”.

Jun khan dikhishe hath khan ke Isor laga, kitya bi nahilibo biswas te. Hatha khan Isor laga, tagot diya pora, bonai itu ke biswasi bi; tagot aru dhuri thaka biswas logote.

Jitya Isor ulaishe chela khan agete aru dikhaishe tai laga hath khan ke poila baar, Thomas thakanai tate. “dusra chela khan itu karone koishe Tai ke, “ami khan dikhishe Isor.” Toh tai koishe tai khan ke, “jitya tok ami nadikhe Tailaga hath laga daagi,a ru nadhale ami laga ungli ke utu daagi te gojal laga , aru nadhale ami laga hath kina rte, Ami biswas nakoribo”. (John 20:25).

Aru khali biswas nakora pora Thomas laga, Isor ulaishe dusra baar aru dikhaishe tai laga hath khan ke. Isor dishe Tai laga hath khan ke dusra baar tai khan karone jun khan napungcha ase biswas te; kilekoile Tai itu icha nakore ki apuni khan majete kun bi ahbiswasi hobole. Aru ekbaar judi tai khan dikhe ghau ke hath te Isor laga, tai khan bhorta hobo Isor laga biswas te.

Jitya Isor koishe Thomas ke: “punchibole apuni laga ungli kene aru sabi Ami laga hath khan te”, hichkichai kene Thomas saishe utu hath khan te; aru dhyan dishe gojal laga ghau te, juntu dangor thakishe ekta ungli ke paar koribole. Thomas ekla hi nahoi Johnn aru Peter; hoilebi sob chela khan chubo paribole asile hath khan ke Isor laga. Bhabna kori kene itu ke, chela John likhe tai laga epistle khan te inika: “utu ji thakishe shuru pora, juntu ami khan hunishe, juntu ami khan dikhishe ami khan laga  suku pora, juntu ami khan saishe aru ami khan laga hath khan dhurishe, bhabna kori kene Byko Jibo laga” (1 John 1:1).

Tate khali ekta karon ase, kile isor dikhabole lagishe ami khan ke Tai laga hath inika hisab te. Itu nishit koribole ki apuni aru nahilibole apuni laga biswas te hoilebi thakibole wafadaar aru dhuri kene apuni laga biswa te ses tok. Aru titya hi apuni pabo sob ashirbaad ke, virasaat ke aru uttamta ke biswas laga.

“hoilebi biswas nathki kene itu namumkin ase khushi koribole Tai ke, kilekoile tai jun ahe Isor te biswas koribo lage ki Tai ase, aru ki Tai ase ekta inaam diya tai khan karone jun mon di kene bisare Tai ke” (Hebrews 11:6).

Aji dhyan koribole laga pobitro kotha tu hoile Acts 16:31 “toh tai khan koishe, “biswas koribi Isor Jisu Krista te,a ru apuni bachibo, apuni aru apuni laga ghor khan”.