June 10 – DIBI APUNI LAGA KANDHA!

Psalm 68:19 “ashirbaad hobi isor ke, jun hodai bhorta kore ami khan ke labh logote, Pormeshwar ami khan laga mukti laga! Selah”.

Ami khan laga isor pora bukishe krus ami khan karone; aru ami khan ke bi matishe piche hobole Tai laga kadam khan te aru bukibole ami khan laga krus ke.

Isor Jisu koishe, “judi kunuba icha kore ahibole ami khan laga piche, hobole dibi tai ke phelabole nijor ke, aru lobule tai laga krus ke hodai aru piche koribole Ami ke” (luke 9:23).

Tai laga morom te,Isor rakhe ekta krus ami khan laga kandha te:  bhar atma khan laga; aru ekjon dusra jon laga prathana. Naam tea mi khan Isor laga, ami khan mate bukibole bhar ke ekjon dusra jon laga (Galatians 6:2).

Ki apuni bi dibo apuni laga kandh ake bukibole utu bhar ke? Prathana koribole biya hoi thaka atma khan karone; desh karone; aru Tai laga mantralay khan nimite? Aru jitya apuni itu kore, Isor pora hosabi bhorta koribo apuni laga apuni ke atma pora prathana laga; aru atma ekjon dusra jon lagaprathana nimite.

Ekta samdhi laga niom te dhon manu laga, bishi manu dishe bukibole kafaan ke tai khanlaga kandha te. Tai laga bacha khana ru nijor manu khan bi age ahishe, kile tai khan bhabna korishe itu ekta dangor saubhagya ase.

Ki apuni dibo nalage apuni laga kandha ke kaam karone Isor laga? Jitya bishi manu rakhe  tai khan laga prathana anurodh ke apuni laga kandha te, apuni lobo lage utu bhar khanke nijor pora hi, aru anurodh koribo lage taikhan karone.

Sabi kinika Nabi jeremiah ukishe bhar khan ke Israelites khanlaga? Tai laga kitab te lamentations laga, tai koi: “oh, ki ami  laga matha khan pani thakishe,a ru ami laga suku khan ekta jharna pani laga, ki ami nakandibole din aru rati te morai diya nimite suwali khanke ami laga manu khan laga!” (Jeremiah 9:1).

Apuni laga kandha diya ke khali bhag kora nahoi bhar ke, hoilebi itu motlob ase khara kora kandha upor kandha te ekta mon te. Jitya Nehemiah  yojna korishe khara koribole Jerusalem ke, jews khan khara korishe tai khan logote aru milaishe taikhan laga hath ke kaam karone. “aru ami koishe tai khan ke hath kea mi laga Isor laga juntu bhal ase uporte ami laga, aru raja laga kotha bi ki tai ami ke kotha koishe. Toh tai khan koishe, “ahibi uthibo aru khara korabo.” Titya tai khan rakhibo tai khan laga hath ke koribole itu bhal kaam ke” (Nehemiah 2:18).

Isor laga bacha khan, milabi hath khan ke aru khara koribi kandha-pora-kandha te hazar Isor laga bacha khan juin khan hosa aru wafadaar ase tai khan laga mantralay te. Dibi apuni laga kandha ke mission laga kaam nimite; aru kaam karone evangelism karone. Apuni khan mili kene khara hobo lage, ekta mon aru khara korabo lage naam kea mi khan Isor laga ami khan laga dsh te.

Aji dhyan koribole laga pobitro kotha tu hoile Hebrews 13:16 “hoilebi napahoribi bhal koribole aru bhagabole, kilekoile inika daan logote Isor bishi khushi hoi”.