June 09 – VUPADENIJAKO BHARI

Aposthaler Kam 15:10 Yernai rethu apaner vadabudethin, apanethi vupadenijako nogana, chelar gudadipar melajethi,tham Deven paricho karero.

Jager yithihasema theen thara khabarevo chalicha. Yek kaikatho Dev Adamena Havvana thayar karero. Deemo Yesu Prabhu vupadenijako siluvana Golgotha gatlapar palden jayero. Theenmo Vuj Yesu Prabhu pharan deemo haptha yee jagen ayero. Yee Christhu avajana ma Vor laar javunu kethanu thejethi Jagsari badan jaricha.

Yee vupadenijako bhari siluvana pado jethi apanen ghan moto Kam chalicha vundema paper parihara, Dever arogyan, shanthin, anand ajji Jada ashisen payecha.

Yeklo viswasi Yesu khadojako paanch ghaverbagey dhyana karrotho, vor ankima hassu thamikoni vu hannuj ankir hasuthi, ” Yesu Prabhu thu mar vasuj vupadenijako siluvana padochi, maj thona ghavo padan thatta karan thu badha padaju kidochu” kan massaj royotho, vor dai Prabhu darshan dethanu mar beta Thu yee paanch ghaverbagey dhyana karrochika ajji thu dhyan karnujako ghavevo cha,vo Mar hathema marejako kheele, chalkolethi marejako, mathepar dharsayejako kanter kireetan, barjithi pakthima phosadejako ghav,ajji thu Deknujako dekervenijako Maro ghavethi chajako Maro kaando cha kan ko kacha.

Vupadenijako siluvana padojethi Prabhur kando loyilagan vethanu joraj cheniju dekaricha. Vu vupadenijako siluvana padtho padtho theen haptha heta padgo athoi sipayival chalkolethi marthey vu ghano thavdema avamaryadi karthey thatta karthey Yerushalemethi Golgotha gatlapar chalen theen mile athra door siluvana padalen lege. Vu Prabhu vo viswasin dekana ” Mar beta athra ghavethi mar kando rathoi ajjek pakthima thoni jaag cha. Yeej kandepar sameli vor beptan paldaju Yisraelevalen 40 varas palden Aigupthemathi Bachan dinojako Canaanema javajethanu palden ayoju thona Ma  paldunikai  kan ko?” Yee vathen samalan vu viswasir ankir hassu  anandethi bharagi.

Aji Jada dyan karen pado Yeshaya 46:4