June 06 – TAI LOISHE AMI KHAN LAGA DUKH KHAN KE!

Isaiah 53:4 “hosabi Tai loishe ami khan laga dukh khan ke aru bukishe ami khan laga dukh khan ke”.

Kandha Isor Krista laga, loishe khali ami khanlaga paap khan ke nahoi hoilebi dukh khan ke bi. Tai bhorta hoishe dukh logote (Isaih 53:3). Tai bukiloishe ami khan laga dukh khan ke. Jitya itu ulaishe ki Tai bukishe ekta bhari khori laga krus ke Tai laga kandha te, tai hosabi loishe ami khan laga dukh khan ke. Isor laga bacha khan, isor jun bukishe sob dukh khan ke, ghurai dibo apuni laga dukh khan ke anondo te. Tai ghurabo tita ke Marah laga ekta mitha pani te.

Jitya tate porikha khan ase dukh laga; jitya tate bhabna nakora nuksan ase nahoilebi jitya apuni lok pai bhugibole napara vishwasghat khan, manu jitya harai tai khan laga jibon ke. Tai dukh pai mon te aru najane kinika kobo tai laga bhar ke. Bishi ase jun khan napare bhugibole tai khan laga dukh ke aru hekh kore atmahatya logote. Aru tate alag ase jun khan napare millabole; aru berai dimag biya manu khannishina.a ru kunuba ase junkhan mudu khabole shuru hoi.

Hoilebi tai jun biswas kore Isor ke, diye sob ami khan laga dukh khan ke Tai laga kandha te, aru ahram kore.a ru Tai laha moromial hath ami khan ke dilasa diye; aru ami khan ke mili loi.

Ekta  uncha podh laga kaachari thakishe ekta vibhag te, jun laga thakishe ekta lora tai laga jawan homoi te. Baba bishi morom kori thakishe utu lora ke;a ru bishi akha thakishe taite. Ekbar jitya utu jawan lora cholai thakishe  gari ke bishi tez speed te, tai ekta durghatna lok paishe. Tai laga gau chipi kene tai mori jaishe utu jag ate hi. Utu smachar ke  huni kene, baba tu pura achurit hoishe. Jitya dusra khan kandi thakishe, tai khali sai thakishe tai laga lora laga chehra ke,a ru kuchis kori thakishe niyantran rakhibole tai laga dukh ke nijorte hi. Hoilebi tai paarnai utu dukh ke bhugibole; aru olop din pichete tai bi mori jaishe cardiac arrest pora.

Ki apuni logote bi ase  bordasht koribo napara dukh? sob ki kori bo lage koile apuni sabo lage Isor Jisu Krista ke; dhalibo lage sob apuni laga chinta aru dukh ke Tai laga theng te; aru dahlibi apuni laga monk e aru apuni laga suku pani ke tai laga maujudgi te. Ki Tai kosom diyanai ghurai dibole apuni laga dukh ke anondo te?(John 16:20). Tai pungchibo Tai laga sona hath aru mushi dibo sob apuni laga suku pani ke.

Raja David bhabna korishe ki kile tai ke dababo lage  tai laga dushman khan pora aru berabole lage dukh te. Aru inika bhabna thaki kene, tai dhalishe tai laga sob dukh khan ke theng te Isor laga,a ru koishe anondo te: “kile apuni rakhii ase, O ami laga mon?aru kile apuni chup thaki ase nijor te? Akha Isor te; kilekoiole ami hoilebi mahima koribo Tai ke, modot ami laga sathi aru ami laga Pormeshwar pora” (Psalm 42:11)

aji dhyan koribole laga pobitro kotha tu hoile Proverbs 15:13 “ekta khushi mon bonai khushi sathi, hoilebi dukh mon laga atma bhangi jai”.