June 05 – TAI BUKISHE PAAP KE!

Isaiah 53:12 “Tai dhali ulaishe Tai laga monk e mora tok, aru Tai ke ginishe apradhi khan logote, aru Tai bukishe paap ke bisi laga, au binti korishe apradhi khan karone”.

Ki Isor Jisu bukishe Tai laga kandha te, Golgotha laga rasta te? I Tai khali khori laga Krus ke bukishe? Nahoi, hoilebi bishi bhari itu pora bi, aru jaishe Tai laga rasta Golgotha laga. Ki hosabi Tai bukishe Tailaga kandha te?

Tai bukishe ami khanlaga paap khan ke aru amikhan laga gaolti khan ke. Itu karone kile Chela Paul dikhai Tai ke aru koi: “Tahkibi! Memna Isor laga jun loi jaishe sob paap khan ke itu prithibi laga! (John 1:29).

Khali bhabna koribi itu ke! Paap ase sobse bhari bhar. Itu te ase shakti dhalibole ekta manu ke hagor te jui laga aru tai ke dubai dibole itu te. Kunbi tai laga khandan aru sathi khan na ahibo aget lobule utu bhar ke tai laga jaga te, nahoilebi tai laga maikibi; nahoile tai laga mota bi, nahoiolebi tai laga bacha bi.

Ekbaar ekta manu ke lagishe AIDS laga bimar kilekoile tai laga paap jibon pora. Tai laga maiki bi taike chari dishe. Tai laga khandan taike achut ase koi kene koishe aru dur jaishe. Tai laga bacha khan taike  baba namata hoishe aru nathaka hoijaishe ghor te. Tai bukibole lagishe tai laga bhar ke paap laga nijor pora hi, iman dukh aru suku pani logote. Hoile bi sabi kandha kea mi khan Isor laga. Utu kandha te Tai bukishe ami khan laga paap khan ke aru ami khan laga golti khan ke (Isaiah 53:12).

Purana Niom te, ekta manu jun korishe paap ke, chunibo saguli ke aru anibo itu ke dhip te tyag koribole. Titya tai rakhibo tai laga hath ke math ate saguli laga; kobo tai laga paap khan ke; aru dhali dibo tai laga paap khan ke utu saguli uporte. Utu saguli pora bukibo bhar ke manu laga paap laga; looi lobo saza ke utu manu karone; aru hobo tyag tai laga jag ate. Jitya pondit pora morai diye saguli ke, itu pora phelai itu laga khun ke ekta paap daan nishina, juntu pora dhakai dibo paap aru golti khan ke utu manu laga.

Hoilebi notunNiom te, Isor nijor  hi ahishe agete ekta memna hoi kene loi lobule paap khan ke itu prithibi laga. Bhar sob ami khan laga biya  paap khan laga bodmas kora laga, jadu kora laga, morai diya laga, golti laga aru sob biya kaam khan laga dhalishe Tai uporte. Aru Tai bukishe sob ami khan laga paap khan ke aru anurodh korishe Baba Pormeshwar logote,khemai koribole paap khan ke. Itu karone Tai dishe khemai sob paap khan laga, phelai kene Tai laga kimti khun ke.

Isor laga bacha khan, bhar apuni laga paap laga, ase kandha tea mi khan Isor Jisu laga. Tai ase tyag daan paap laga aru khemai apuuni laga paap khan laga. Toh, sabi Tai laga kandha te.

Aji dhyan koribole laga pobitro koth atu hoile Psalm 32:1 “ashirbad ase tai ke jun laga apradh khan khemai hoishe, jun laga paap khan ke dhakaishe”.