June 05 – APANER PAPEN PALDIDO

Yeshaya 53:12 Vor jeev mothesaru haval karnako, mando Kam karevalema yeklo kan leko ghalayo, ajji Vu ghaner papen khamlido, hannu mando Kam karevaler vacha vinathi karevalo vego.

Golgitha vatema Prabhu Yesu vor kandepar Kai paldidocha?  Vu Prabhu bhari chenijako lakadithi siluvan padmelotho ka? Koni lapan massaj khatorvagi yee parisram kidocha, atho assal Vu kandepar Kai padocha?.

Vu apaner papena athikrmena padocha. Jethi Aposthal Yohan 1:29 Laarer dad Yohan Yesu vor dai arojena dekan – yidek jagathir papena paldena jayevalo Dever Gorlir Pilla kan ko.

Yek haptha sos karatho pap kajako ghano padervenikathra bhari cha. Yee papen balrijako angarer samundrema patkanaken vumaj dubjavaju karer athra jor cha. Ma yee paper Bharona palduchu kan bhaiband reda, gonni beptavo reda kuni mundag ayeni.

Yeklo manikya vu banchojako paper jeevanethi AIDS rogen lalido. Yee Rog vona chajethi vor gonni bepta vona Dora karnaken vor sath vo gharema vassena reda vu maro bap kan balyen sada yista kidekoni. Yee ava maryadi khamer hathayikoni jethi vu ghan rothanu badhapado. Lapan apaner Prabhu Yesuro kandena dekatho Vu apaner sey papen vor kandepar paldidocha kan Yeshaya 53:12 vachanema dekacha.

Juno kararema kunvatho pap karachko vu yek chelina balipeetekan bhokaner nai lavanu kan vethi. Vu chelipar vor hath melan yideki mar papen seji yee chelipar melnakerochu abbethethi mar pap yee cheli paldacha kan katho Vu chelina vor paper ghali bhokano dethe. Vu chelin Yajak kaatan vor loyeena chanakajana vor papethi vimochan paldocha kan valakthe. Atho Navvo Kararer dadema Apan kidejako pap sarapena, vyabhicharmena ajji sey thara mando khabarevasu massaj vela bhabetina vu Prabhu Yesuro kandepar paldido. Vor Pavithar loyeethi apaner papena dhonakocha.

Aji Jada dyan karen pado Geder grandh 32:1