June 05 – Anin Pintu Birdaran Tambedle!

“Anin karahidan sikkoi ja a pwrardan rubmaeten, do anosai manedde maranji ampara Anin danisaman dele. Dele janang Anin atenganji a pintu birdaran tambedle, bar anosai manedde maranji apsele labyu garberre” (Jisaiya 53:12).

Kitungan d’onglen tiylai sanabyun, lanabyun do banabyen. Daudo, a d’ong Kitungan batte dile ayam banabyen dele. Kitungan amangban gijgijle barij-j’en batte m’oihlen gamle: “Angante hen sintatenai do kuditenai, seletten banabye-Nam pwrarda-hen abm’oihte?

Amben ateng ayam danukka do kanudi-lingan dakutaben. Kun anogandin batte ambendaman abkalkaldamten. Iten asan gamlenden alumlen a pintun do apangsardin asan! (Jon 1:29).

Kun ayamlen kalobori arakkadangan aimben dete, do Jisun Kristun amangba gijgijba, Ayengan amihaman alale ate, pintun saaring anablun ahangben abmele. Do amben Kitungdage asanabyun batte barij adete. Amadan batte atal-jingan gijdale do bo jatidage amiholan batte jodle.

Gulji-lingan Luk kabol-lingan, bo pintu bojan Jisun a jingba yiraiten do edalen, do amadan lalle. Bar Jisun gamle a d’ongan, “Pintu-namji tanamadan dele. Dirna-nam rabrable d’ong-nam. Sanabyun batte yira. Kitungan a bernan batte bo surda banabyen hangtabe. A bernan er-disamdage a suyeman Kitungan d’onglen atiyaitenan ate. Raja Daudo gamle Kitungan a bernan batte mandrengna hangle. Kitungan Israelanji amangban gijgijle (Jisaiya 53:12).

Barij danukkan batte unji soa mihnum saring ateng misor lingan a dakulenanji ate, Do Anin sibdaiberlen amangbanji, gamle. Bar d’ong-ben Misor a kanal kalan saring rabraban rabrable Kananiyanji, Ittinji, Emoranji, Prij-inji, Ibbinji, do Jibusanji a desaban manan, ardub adangda tarunggal desaban urungte, gamle Hen gab-rij’elenai, Kan ambrij Anin jzbjzble, angante kuddubanji Kinaniban arungan deleji barij a danukkanji saagaile. Kun asurdaa suyeman asan aninji m’oihdaleji.

Amben janang butente butente danukka-lingan dakuji a d’onganji babyebaji, engale Kitungan sayamle. Bibolan gamte: “Ayengan a mandra banagge maranji a d’ong sintate, anin man’oihdam; anin a kanalkal ayam lingan Gamangtungan anin a d’ong rabrabte. Amben agalamtepo yangam danukkan mandran amandrengn abs’ite, ateng enegoinan ate amben agalamte. Bibolan gamte: “Mandran a j’e lingan kanuddin anin a d’ong ablaginte.

Tanahimdam Kitungan a onagji, kunina a Jisun Kristun d’onglen babyete do sanabyun tiylangten. Bindo bangsaberan anin a d’ong abm’oihte. Angante amben akinolte Kitungan abernan barokij barokij.

Okiy Kinolbe absele: “Ayengan sla mandra a ranoitadan tanabmadan dele, do a pintunji ranubruban dele, aanin man’oihdam” (Sanenken 32:1).