June 01 – PRABHUR KAANDO

Yeshaya 9:6 Prabhur kaandepar Rajyamer bharo Racha.

Ghano thakathethin jorethi chajako Prabhur kaanden deko. Dever vathema Yeshaya 9:6

Prabhur kaandepar Rajyamer bharo Racha kan vanchacha.

Prabhur kaandepar dekatho Vu Prabhur Aadhipathyam chaju dekeja, katho Rajyamenan, adhikaramenan Bharona bhadyatha chajen dekacha. Vonaj Englishema Sarkara kan balarecha.

Prabhur Sarkarema sari srustina samanvagi palan chalacha. Vu sarkara sari jagema chajako sarkarethin ghano moto sarkara. Vu sarkara sari jagema chajako adhikarivumparan adhikara chalayevalepar sada adhikar karacha. Kassen katho vor Aadhipathyamer ghali apan vona Prabhu kan balamacha.

Heryeki yee sarkarathi bhalan Racha. Athra moto maha mahimaro Prabhur kaandepar yee sari dharathiran asmanemar ajji yee sari srustinaj palan karer bhojan padmelocha.

1Samuel 10:23 Yisraelen agediyar Raj Saulen Devaj niyam kido. Vu Sauler kando sey Yisraelevalethi moto vethi kan vanchacha.

Lapan sey dharthipar chajako sarkarethin adhikarethin moto apaner Prabhuparaj kasen kenu katho seri bharo Vu kandeparaj cha kan herdemellenu.

Yek sarkar deshema chajako jannena dharmethi sharathulethi sammorethi palan karnu kan kathraiko kasta padu karacha. Seni vunder janen jathan karajethi ajji Jada jannen chavnujako chavalpavla sejini sada deklenu lagacha. Lapan apaner Prabhu Yesu seri bharen voro kaandepar naaklen sejini chavnujako shanthi samadhanen devalo cha.

Yeshaya 9:6-7