Jun 30 – TEON ASE BANNER JIT LAGA!

“Aru Teon laga banner uporte ami laga thakishe morom” (Song of Solomon 2:4).

Sob desh te thake itu laga nijor jhanda. Jitya design kore jhanda, leader khan deshahe eki logote aru milai rong ke aru chin ke ekta uddesh logote aru karon logote. Sob rong tate thaka laga nijor motlob ase; aru sob chin ase tate ekta karon nimite.

Uddharan hisab te, sabi Indian national flag ke. Narangi rong itu te yaad dilai ami khan ke khun phela Shahid khan Jun lorai kore independence ami khan desh laga. Utu Boga rong dikhai ki ami khan laga desh laga morom Shanti karone. Hara rong dikhai ki ami khan laga desh ase mol thaka aru unnati hoa. Chakra majete yaad dilai ami khan ke Ashoka chin laga.

Jitya tate ase judho majete duita desh laga, desh juntu jite leherabo itu laga jhanda ke rajdhani te utu desh laga.  Tenzing Norgay rakhe theng jaga te Mount Everest laga, tai lagaishe jhanda ke ami khan desh laga tate. Neil Armstrong, ekta American astronaut Jun thakishe poila manu jabole chandh te, aru tai dhalishe American national flag ke chandha.

Bacha khan Isor laga, ami khan ase ekta jhanda, jitu ase Krus Calvary laga. Itu ase  Calvary te, ki Isor Jisu Krista jitishe prithibi ke, gau ke aru Satan ke. Duita te bi Purana Niom aru Notun Niom te Isor  ase banner  jit laga bacha khan karone Isor laga. Teon ase ami khan laga Jehovah Nissi.

Teon khara kore ekta banner nishina juntu khotom kore sena ke dushman khan laga. Isor duth khan laga ase ami khan logote. . Isor Jacob laga ase ami khan laga uncha jaga. Hodai yaad rakhibi ki Isor Jisu jai agete apuni laga ekta banner hoi kene jit laga, dibole apuni ke jit.

Egyptians khan ase poila nirmaan koribole ekta jhanda ke desh laga.  Manu khan piche kore jhanda ke, jitya itu ke bandhe ekta pole te aru Thai. Sob commander sena laga thake ekta jhanda alag rong laga. Aru sena khan utu battalion laga aghe jai dushman khan phine aru khilaf te thake tai khan laga.

*Calvary ase jhanda di kene ami khan ke. Ki dikhai ekta jhanda? Itu dikhai ami khan ke Isor laga morom. Shulamite maiki anondo kore aru koi, “Aru Teon laga banner ami uporte thakishe morom”(Song of Solomon 2:4).  Jhanda te Calvary laga, ami khan dikhe himina nathaka morom, anugrah aru Daya Isor Jisu Krista laga ami khan karone *

Ami khan dikhe Boga aru lal utu Calvary jhanda te. ‘boga dikhai Krista laga Pobitrota Teon laga bhuga khan te, aru ‘lal dikhai Teon laga daan kora khun.

Pobitro kotha te koi, “ami laga moromial ase Boga aru lal, mukhya majetedos hazar laga”(Song of Solomon 5:10).  Bacha khan Isor laga, sabi jhanda te Calvary laga.

Aji dhyan koribole laga Pobitro kotha tu hoile(Psalm 20:5) “ami khan anondo kore poritran te, aru naam te ami khan Isor laga ami khan khara korabo banner khan”