Jun 30 – JAYAMERO JHANDA

Solomoner geed 2:4 Vu Prabhur prem jhendar nai Mar vumpar cha.

Heryek deshmen yek jhenda kajako rach. Yek desher jhenda thayar karnu katho vu desher nayakevo bhalan aan kunas rangu renu, kassek renu kan sos karan yek pranalika karacha. Vu jhendama chajako heryek ranguni yek aratham, ajji heryek sankethana yek karan racha.

Apaner Bharath desher jhendan dekatho voma laalo rangu deshen swathanthramer vasu porata karan jan dinejako hathashakshivun dekalacha. Dholo rangu vu apaner desher shanthin premen dekalacha. Haro rangu vu desher panta pairena dekalacha. Vachema chajako Chakra vu Ashok chakravarthin dekalacha.

Kunsik dee desheval yudh Karen aaricha katho vundema kunas desh jeethachko vu desh haargejakon desher kotpar jhendan varadacha. Tenzing Norgay kajako bhai Everester parvathapar taang melo jana vumper jan apaner desher jhendan gadojen dekacha. Hannuj Neil Armstrong Americavalo anthyarikshama chajako chandepar gojana votha vunder desher jhendan gadojen dekacha.

Apan Dever Betapa ven chajako Apanen sada yek jhenda cha vuj siluvar jhenda. Vu calvariparethi apaner Prabhu Yesu Christhu yee malkenan, jeevadaparan, sathanepar jayam palidocha. Junon Navvo kararema yeej jhenda rach vu Dev Yehova Nissi ven chajako Dever yajamer jhenda.

Vu Dev jayamer jhenda jhallen vyariyur mundag hubaran  vor phojer sathyanas karnaken jayamen devalo cha. Phojer sainya apaner sath cha. Yakober Devaj apaner Asro vencha. Kannai thar mundag chalan thona jayam devasu jhendan jhallen vu Prabhuj jaro jen herdemellenu.

Aigupthevalaj desher agediya jhendan thayar kide. Jann sey vu jhenda yek lakadi par bhandan vuncho varadukaratho vor laar javukaracha. Yek prathyekvagi anguthi chajako yekek sainyathipathivur vacha racha. Hannu jhallen sey sainyameval yudh karen mundag vyariyur deravur yeduruga javukaracha.

Calvary kajakoj jhendanaj Apanen den cha. Vu ken dekalacha? Katho vu apaner Dever amithavagi chajako premen dekalacha. Yeej vathen Solomoner geed 2:4

Vu Prabhur prem jhendar nai Mar vumpar cha.

Ajji jada dhyan Karen pado Geeder grandh 20:5 Prabhu dinojako rakshanama anand karacha,vujji hamar jhendana vu Dever namemaj rakadacha.