Jun 30 – Anina a Dainakaban Ambrij!

“Bar lanangka-hen anin a tanimyim a dainakaban daku” (Solomon a Kanen 2:4).

Do sanabyun tiylangten. Bindo bangsaberan anin a d’ong abm’oihte. Kitungan kuddub kanalkalanji sabgaile d’ongben babyete. Gamangtungan anin a d’ong rabrabte, Bibolan gamte: “Mandran a j’e lingan kanuddin anin a d’ong ablaginte.

J’e-ben babyete, do danukkaben abkaridate, Dile ayam kinolba, kuddub danukaben sagaite, Do man’oihan barijloge ahangte, Satid samoih-hen ayam lingan kanin na banabye-hen.Anosaai-Nam d’ong-hen abadlzngtih. Bakurdi gonta dingtaben kuddub bibolan atabkudben abmele. Aten asan, bogad Amben bo gonta abmele a kinollenden.

Pedde amben tabkudle arabtite bakurdi-dinna-lingan. Orde bokurdi dinna, bogad amben a kinollenden bagu-gonta dile dinna-lingan. Amben bo tagor bibolan a kinol asusulenden, Barij danukkan batte unji soa mihnum saring ateng misor lingan a dakulenanji ate. Monaben babyete. babyele bartabmete janggardadage a amndrengna.

Iten asan gamlenden aparamangtan dajing bernan anidan dele. Angante amben akinolte Kitungan abernan barokij barokij, Dijte – bernan anion a hanangan asan anidan dele, ‘yante ‘- gamle anidolberan a uywb-sanayen do banabyen. Batte anien danerderan rapti hangtabe, Kan batte amben surda banabyen ahangte.

Aten asan Anappai Pol man’oihan batte aadhimle. Iten asan gamlenden Dirna-nam rabrable d’ong-nam, Birindabenji pedde asangemtabenji. Orde aboi saring aboi kanalkal-lingan dakutaben mandrengna-lingben. Anin bigardaji a d’ong janang babyele.

Iten asan gamlenden kuddub kanalkal-ling-len Amn babyetalen. Yante gamle itente a hanabyen Kitungan batte anlen banabyen detabe. kun batte dile kanalkal lingan a deten a mandranji a d’ong anlen rapti abbabyetabe. Aninna sanayaman do Anina banabye.

Banabyen’ gamlenden sanabyun do ranabdun pangtai. Kitungan banabye Kitungan, Kitungan d’onglen tiylai sanabyun, lanabyun banabyen. Ateng enegoinan ate amben agalamte (Solomon a Kanen 2:4). Barij bibolan kinolle atiyj’e-naben dete. Kitungan amangban gijgijle, “Angante hen sintatenai do kuditenai.

Seletten banabye-Nam pwrarda-hen abm’oihte”. Amben ateng ayam danukka do kanudi-lingan dakutaben. Kun anogandin batte ambendaman abkalkaldamten.

Iten asan gamlenden alumlen a pintun do apangsardin asan (Solomon a Kanen 5:10). Tanahimdam Kitungan a onagji, kunina a Jisun Kristun d’onglen babyete.

Okiy Kinolbe absele: “Seletten anlen anablu-ling-nam a m’oihtai, do Kitung-len ahim lingan anlen dainakab-lenji a tabnangtai. GAMANGtungan kuddub ganarber-namji abojoraiete!” (Sanenken 20:5).