Jun 29 – TEON JUN KHAI JIT PORA!

“Teon pora khai dibo mrityu ke hodai din karone, aru Isor pora mishibo suku Pani ke sob chehra pora; gali kora laga Teon manu khan Teon pora loi jabo sob prithibi ke; kilekoile Isor pora koishe” (Isaiah 25:8)

Mrityu nahoi ekta hekh. Jisu Krista matishe itu ke ‘Ahram’. Jisu Krista koishe mrityu ke ‘ghumai ja’. Isor Jisu uthishe Lazarus ke; Teon uthishe Putro ke vidvaah ke Nain laga; Teon uthishe putri ke jairus laga, jibon te jinika uthai Diya ekta manu ke ghumai thaka pora.

Manu khan itu prithibi laga jai Bishi dukh khan pora aru khong pora jitya tai khan harai tai khan laga moromial ke. Aru tai khaan ke dilasa dibole napare. Hoilebi bacha khan isor laga, pabi ahram ke Krista Jisu te aru dilasa diye nijor ke akha te dikhibole tai khan laga moromial khan ke aru ek baar. Isai te ami khan ase akha punar utha laga.

Ekta uddesh jisu krista laga aha itu prithibi te thakishe jitibole mrityu ke aru azaad koribole Jun khanjiyai ase bhoi te mrityu laga. Ami khan Isor Jisu koishe: “Ami ase punar utha aru jibon. Teon jun biswas kore Ami ke, judibi tai mrityu hoi, tai jiyabo. Aru Jun bi jiyai aru biswas kore Ami ke namoribo kitya bi. Ki apuni biswas kore itu ke?”(John 11:25-26).

Pobitro kotha te koi jisu chakhishe mrityu ke ami khan sob jon nimite. “Hoilebi ami khan dikhe jisu Jun ke bonaishe  olop Kom duth khan pora, bhugibole mrityu ke mukut lagaishe mahima aru sonman logote, ki Teon, anugrah pora chakhibile mrityu ke sob karone” (Hebrews 2:9).

Dubara aha ke Isor mrityu Krista te uthibo poila. Titya ami khan Jun ase jinda aru bachi kene dhuribo iki logote tai khan logote badal te lok koribole Isor ke hawa te (1 Thessalonians 4:16).  “toh jitya itu bhrasht dhale bhrasht nahoa te, aru itu khotom hoi jai dhale khotom nahua te, titya anibo paar koribole koi kene juntu likha ase”Mrityu ke khai dishe jit te”(1 Corinthians 15:54).

Ami khan Isor Jisu jitishe mrityu ke, narak ke aru Satan ke. Teon dhore chabi ke mrityu aru narak laga, kilekoile Teon morishe aru uthishe dubara mrityu pora. Teon dhore chabi ke mrityu aru narak laga(Revelation 1:18). Itu karone,  ami khan bhoi nokore mrityu ke. Ami khan sahas pora khatkhatabo pare dorja te  mrityu laga aru hude, “O mrityu, kote ase apuni laga dankh? I narak kore ase apuni laga jit?”(1 Corinthians 15:55).

Jisu beraishe ghati te mrityu laga. Teon dishe Teon laga atma ke hath khan te Baba laga. Tisra din te Teon uthishe jiyai kene, jiti kene mrityu aru bonishe poila phal punar utha laga. Teon anondo te ghoshna kore, “ ami jiyai hodai din” (Deuteronomy 32:40).

Mrityu ase tita aru Bishi bukhar manu khan karone itu prithibi laga. Hoilebi ami khan karone itu kaam kore ekta bhal pul nishina jabole isorLogote. Itu ase achurit sidhi juntu loi jai prithibi laga Manu khan ke swarg te.

Aji dhyan koribole laga Pobitro kotha tu hoile  (Psalm 23:6) “ hosa te bhal aru Daya piche koribo ami ke sob din khan te ami jibon laga; aru ami thakibo ghor te Isor laga hodai din karone”